KITANG-kita ang paglagaslas ng tubig na nagmula sa falls na nakalilikha ng mumunting usok dahil sa pagtatagpo nito sa tubig na nasa ibaba. Naglilikha din ito ng malamig na simoy ng hangin habang ang paligid nito ay napapalibutan ng naglalakihang bato at mangilan-ngilan na ligaw na bulaklak at halaman. Naglakad siya papunta sa pinakang dulo ng lupa at isang hakbang nalang ay maaari na siyang tumalon sa tubig.
“Gusto mong maligo?” napalingon siya sa kaniyang likod dahil doon. “Pwede ba?” nakangiti niyang sabi na ikinatango ng lalaki. “Syempre naman!” pagkasabi niyon ni Alas ay agad na siyang tumalon sa tubig at lumangoy doon. Nagtagal siya sa ilalim dahil kitang-kita niya ang ganda nito mula doon, sanay siyang lumangoy dahil natuto siya sa pagpuslit niya sa lugar na iyon.
Maya-maya ay nakita niya si Alas na tumalon din at papalapit ito sa kaniya kaya agad siyang umahon. “Stella! Stella!” napakunot ang kaniyang noo ng tawagin siya ng lalaki na umahon kasabay niya. “Akala ko nalunod kana!” alalang sabi nito sa ikinatawa niya ng mahina. “Pasensya na hindi ko nasabi sayo na marunong akong lumangoy.” Winasikan siya nito ng tubig na ikinatili niya.
“Palagi ka nalang hindi nagsasabi kaya kinakabahan ako sayo eh!” natawa siya dito at gumanti sa pagwasik ng tubig. “Hindi ka naman kasi nagtatanong!” tawa niyang sabi dito. “Di pala nagtatanong ah,” nanlaki ang mata niya dahil doon at lalapitan siya kung kaya’t lumangoy siya papalayo dito.
“A-Alas! Alas! Kyahh!” napatawa siya ng abutan siya nito at kiniliti sa kaniyang bewang. Nagpumiglas siya dahil doon at ng makawala ay muli siyang lumangoy papalapit pa sa falls. “Stella mahuhuli din kita!” napatawa siya ng marinig ang boses ni Alas kung kaya’t lumangoy siya pailalim sa may falls at tumawid upang makapunta sa likuran niyon.
Iyon ang unang beses na makakapunta siya sa likuran ng falls at namangha siya sa kaniyang nakita. Mayroong kweba doon na hindi niya inaasahang mayroon pala niyon sa likod ng falls. “Kung alam ko lang may ganito dito, dito na ako titira.” Iling na sabi niya sa sarili at umahon upang umakyat sa maliit na kweba.
Open ang kwebang iyon at sapat na upang pagtaguan ng dalawang tao. “Stella! Stella nasaan ka?!” narinig niya ang sigaw ni Alas mula sa kabila ng falls na ikinatapi niya sa kaniyang noo at nakalimutan ito. “Alas nandito ako sa likod ng falls! Lumangoy ka pailalim upang makatawid!” sigaw niya dito na alam niyang ikakarinig ng lalaki.
Hindi nga siya nagkamali dahil maya-maya ay andoon na ito at nagtaka din sa kinalalagyan niya. “Mayroon palang kweba dito?” napangiti siya dahil doon. “Hindi ko ‘din akalain. Halika ang ganda dito,” lumapit ang lalaki sa kinalalagyan niya at sumampa din doon.
Naupo sila sa pinakang dulo nito at pinagmasdan ang paglagaslas ng tubig. “Ang ganda dito,” bigla niyang sabi na ikinalingon ni Alas sa kaniya. “Stella ayos lang ba kung tanungin ko kung bakit ka pinalayas?” natigilan siya sa tanong nito dahil doon. “Wag mo sanang masamain pero, hindi ko lubos na maisip na pinalayas ang isang magandang dalaga katulad mo.” Napangiti siya ng mapait dahil doon.
Iyon ang unang pagkakataon na mayroong ibang taong pumuri sa kaniyang kagandahan bukod sa kaniyang tiya at tiyuhin. “Salamat sa papuri Alas, pinalayas ako dahil sa maling bintang.” Tumingin siya dito at nagtagpo ang kanilang mga mata. “Alas, maniwala ka saakin. Hindi ko alam, wala akong alam sa nangyari.” Naiiyak niyang sabi dito at napailing habang nakapikit na ikinahawak ng lalaki sa kaniyang magkabilang pisnge at hinarap siya dito.
“Stella tumingin ka saakin.” Wala siyang nagawa kung di ang idilat ang kaniyang mga mata at muling nagtagpo ang kanilang mga mata. Hindi siya naduduling kagabi, totoong may halong ginto ang mata ng lalaki samantalang ang kaniyang ay brown. “Naniniwala ako sayong wala kang kasalanan. Kahit saglit palang tayong nagkasama ay napatunayan ko agad na isa kang mabuti, walang kamuwang-muwang na babae yet malakas at matibay ang loob.”
Hindi siya makapagsalita dahil sa sinabi nito. Iyon ang unang pagkakataon na mayroong pumuri sa kaniyang pag-uugali, sabagy iyon din ang unang pagkakataon na nakisalamuha siya sa ibang tao bukod sa kaibigan niya na si Abby. “Ang ganda ng mata mo,” wala sa sarili niyang sabi habang nakatitig sa mga iyon. Iyon din ang dahilan kung bakit hindi siya makapagsalita dahil hinihikaya’t siya ng mga ito na tumitig nalamang.
Hindi niya maintindihan ang sarili lalo na ng makita niyang unti-unting bumaba ang muka ng lalaki at alam niyang hahalikan siya nito ngunit hindi niya ito pinipigilan. Ano bang ginagawa mo Stella pigilan mo siya! Sigaw niya sa kaniyang isipan ngunit hindi niya makontrol ang kaniyang katawan. Unti-unti na itong lumalapit sa kaniya na nakatingin lamang ang lalaki sa labi niya.
Nang isang pulgada nalang ang layo nito sa kaniya ay biglang kumulog ng malakas kasabay ng pagbuhos ng ulan na siyang ikinayakap niya sa lalaki. Takot siya sa kulog. “Kyahhh!” naramdaman niya na nanginginig ang kaniyang katawan dahil sa biglang pagkulog na pumalibot sa katahimikan.
“S-Stella, ayos ka lang ba?” tanong sa kaniya ng lalaki na ikinailing nya. Muling kumulog kung kaya’t napahigpit muli ang yakap niya sa binata. “T-Takot ako sa kulog—Kyahhh!” muli nanamang kumulong na ikinasuksuok ng kaniyang muka sa leeg ng lalaki. “Shhh…Andito lang ako, wag kang mag-alala.” Hinagod nito ang kaniyang likod at natahimik sila dahil doon.
Ilang minuto ang lumipas at panaka-nakang kulog nalamang ang mayroon sa kalangitan ngunit ang napakalakas na ulan naman ang bumuhos. Kahit na bumubuhos ang tubig mula sa falls ay rinig din nila ang buhos ng ulan. “Stella kailangan na nating umuwi,” napatango siya sa sinabi ng lalaki at humiwalay siya sa pagkakayakap dito ngunit muling kumulog kaya napayakap siyang muli dito.
Rinig na rinig na niya ang mabilis na tibok ng puso nito dahil sa dibdib nito ang bagsak ng kaniyang muka. “H-Hindi ko kaya Alas! Hindi ko kayang lumabas ng kumukulog!” mahinang sabi niya dito ngunit nanginginig na din. Nagsisimula na siyang manginig dahil sa takot at lamig, mas lalo kasing lumamig ng umulan kaya ganoon ang naging reaksyon ng kaniyang katawan.
“P-Pero Stella baka magkasakit ka, nanginginig ka na.” muli siyang umiling sa lalaki na ikinabuntong hininga nito. “Okay sige dito muna tayo. Tutal may nakita akong kahoy doon, gagawa nalamang ako ng apoy.” Mabuti nalang at andoon si Alas dhail kung wala ito ay hindi niya alam ang gagawin.
Iniupo siya nito sa isang tabi at kinuha ang kahoy at nagsimulang gumawa ng apoy. Sa tuwing kumukulog ay napapatakip nalamang siya sa kaniyang tenga at mas sumisiksik sa kaniyang kinalalagyan. “Stella halika, pwede na itong apoy.” Napa-angat siya ng tingin dahil doon at tama nag lalaki. Mayroon ng malaking apoy sa gitna. Mabilis siyang tumabi sa lalaki at sumiksik dito na ikinaakbay ng lalaki sa kaniya.
“Bakit ka takot sa kulog o kidlat?” tanong nito habang akap siya at muling siyang napapitlag dahil sa pagkulog. “H-Hindi ko alam, s-siguro ay dahil mag-isa lang ako ng mga panahong kailangan ko ang magulang ko kapag ganito.” Napatahimik ang lalaki dahil sa sinabi niya. “Bakit nasaan ba ang magulang mo?” napangiti siya ng mapait sa gitna ng pagtakip niya sa kaniyang tenga.
“Wala na sila. Iniwan na ako,” muling napatahimik ang lalaki dahil sa sinabi nito ngunit naglakas loob parin ito na magtanong. “Sila ba ang nagpalayas sayo?” muli siyang napapitlag dahil sa kulog at napabuntong hininga bago nagsalita. “Sana nga ganon nalang, kaso patay na sila eh.” Doon na tuluyang napatahimik si Alas at hindi na din siya nagsalita pa. Dahil sa katahimikan ay hindi niya namalayan na nakatulog na pala siya.
“Stella, Stella.” Nakaramdam siya ng yumuyugyog sa kaniya at pagdilat niya ay nakita niya si Alas. “Humunto na ang ulan at kulog, maaari na tayong umuwi.” Nakangiti nitong sabi at ngingiti din sana siya ngunit bigla siyang napabahing sa harap nito mabuti at nakapagtakip siya ng bibig. “P-Pasensya na.” hinging tawad nito dito na ikinawala ng ngiti ni Alas.
“Hindi magandang pahiwatig ‘iyan. Baka magkasakit ka, halika na at umuwi na tayo.”
“MAGPAPAHINGA na muna ako at magbibihis. Ikaw ‘din magbihis kana para hindi ka sipunin.” Mabilis na sabi ni Stella sa kaniya at agad na pumasok sa loob ng kwarto. Napatingin siya sa orasan na nasa ding-ding at tanghali na pala kung kaya’t naligo muna siya at nag luto ng makakain. Nagluto siya ng sopas tutal ay malamig. Pumunta siya sa pinto ng kwarto nito at kakatok na sana ngunit biglang pumasok sa isip niya ang tagpo na muntik na niyang halikan ito. Napailing siya dahil doon at agad na winaglit iyon sa kaniyang isip at kumatok sa pinto. “Stella, nakapagluto ako ng sopas, kumain na tayo.” Ilang minutong walang sumagot sa kaniya kung kaya’t binuksan niya ang pinto at nakita niya ito na mahimbing na natutulog. Napangiti siya dahil doon at sinara nang muli ang pinto. Hinayaan nalang ito na matulog at kumain siya ng mag-isa. Nang matapos siyang kumain ay mahihiga sana siya sa sofa ng biglang tumunog ang kaniyang telepono na nasa lamesa. Mayroon siyang touch screen na cellphone na bi
PAGKABALIK niya galing sa pagpapalit ng damit ay agad niya itong pinainom ng gamot at paulit-ulit na pinahidan ng bimpo na basa upang kahit papaano ay bumaba ang lagnat nito. “M-Mommy… wag niyo po akong iwan…” napatigil siya sa pagpupunas ng bigla itong magsalita habang natutulog. “M-Mommy… Daddy…” hindi niya mapigilan na maawa sa babae. Alam niya ang pakiramdam ng nag-iisa. Alam niya ang feeling ng mawalan ng pamilya kung kaya’t alam niyang masakit ito para sa babae. Pinagpatuloy niya ang pagpupunas niya sa babae ngunit lumipas ang ilang minuto ng magulat siya dahil bigla itong nanginig dahil sa sobrang lamig na nararamdaman. “S-Stella, Stella anong nangyayari sayo?!” tawag niya dito ngunit hindi nito magawang idilat ang kaniyang mga mata o di kaya ang sagutin manlang siya. “W-Wala po akong kasalanan!” napatigil siya ng magsalita nanaman ito. Alam na niya, binabangungot ang babae kung kaya’t nilamig siya ng ganoon lalo na at mataas ang lagnat nito. Gusto na niya itong dalhin sa
ITO ang unang pagkakataon na pupunta si Stella sa bayan para mag grocery. Kapag kasi si Abby ang kasama niya ay ibang lugar naman ang pinupuntahan nila, bar. Si Abby ang nag pakilala sa kaniya ng bar kung kaya’t natuto siyang uminom ngunit hindi siya ganoon kalakas sa alak kung kaya’t lasing na lasing siya ng may mangyaring gulo sa pagitan niya at ng mga Del Rosario. “Are you okay?” napalingon siya kay Alas dahil nagsalita ito at kinunutan niya ng noo. “Sorry—I mean, patawad. Ang sabi ko, kung ayos ka lang?” napangiti siya dahil sa sinabi nito at tumango sa lalaki. “Ito kasi ang unang beses na mamimili ako ng sariling pagkain.” Binigyan siya nito nang natutuwang reaksyon ng sabihin niya iyon. “Seryoso?” tumango siya dito. “Well, that’s good!” muli ay tinignan niya ng kakaiba ang lalaki na tila isa itong kakaibang nilalang sa mata niya. “Ang sabi ko maganda ‘yan. Alam mo dapat siguro mag-simula tayo sa mga basic English words.” Panaka-nakang tingin ang ibinigay ni Alas sa kaniya dah
“GUSTO mo bang tulungan kita magbuhat ng ref Alas?” napangiti siya sa tanong ng babae at umiling. “Hindi pwede, mabigat ito. Ipasok mo nalang sa loob ang mga pag-kain natin.” Tumango sa kaniya ang babae kaya napangiti habang umiiling siya dito. Nang maipasok niya sa loob ang ref ay nakita niya si Stella na nag-aayos ng mga delata. “Stella,” napalingon ito sa kaniya at ngumiti na ikinatigil niya. Hindi niya alam kung bakit sa tuwing ngumingiti ang babae sa kaniya ay napapangiti din siya at parang mayroong mga paro-paro sa kaniyang tiyan. “Ayos ka lang ba Alas?” napakurap siya dahil sa sinabi ng babae at hindi niya napansin na andito na pala sa harapan niya. “A-Ah oo, sasabihin ko lang sana na tuturuan na kitang mag basa mamaya ng ingles at magsulat.” Biglang nagkaroon ng ngiti sa muka ni Stella dahil doon na lalo niyang ikinahinto dahil lalong gumanda ang babae. “Talaga?! Sige, bibilisan ko na dito!” malaki ang ngiti sa muka ng babae pagkasabi niya niyon kung kaya’t nag presinta na
“STELLA!” Nagulat siya ng marinig ang malakas na pagtawag sa kaniya ni Alas kung kaya’t dali-dali niyang iniwan ang libro na hawak dahil baka kung anong ang nangyari sa lalaki. Pagbukas niya ng pinto ng kwarto ay nakita niya ang masamang muka nito at nang magtagpo ang kanilang mata ay sobrang sama nito kung makatingin kung kaya’t napaatras siya dahil doon. “A-Alas, nakauwi kana pala.” Pinipilit niyang ngumiti sa harapan ng lalaki dahil sa takot dito. Ngunit hindi niya inaasahan ang mabilis na paglapit nito sa kaniya at hinawakan ng mahigpit ang kaniyang magkabilang braso. “Sino kaba talaga Stella?!” bigla siyang nakaramdam ng takot sa lalaki dahil doon lalo na sa higpit ng pagkakakapit nito sa kaniyang braso. “N-Nasasaktan ako A-Alas,” pagpupumiglas niya ngunit hindi siya pinansin ng lalaki. “Talagang masasaktan ka saakin!” natigilan siya sa isinigaw nito sa kaniyang muka. Kitang-kita niya na iba na ang itsura nito doon sa Alas na nakilala niya isang linggo na ang nakakaraan. “Sa
PALAKAD lakad si Stella sa malawak na daanan sa bayan nila habang nakatulala at walang pakialam sa kaniyang paligid. Para siyang isang garapon na walang laman dahil pakiramdam niya ay wala ng natitirang lakas sa kaniyang katawan. Kusang tumutulo ang luha sa kaniyang mga mata at hindi siya nag-abalang pahidan iyon. “Akalain mo nga naman ang pagkakataon,” nakarinig siya ng nagsalita sa kaniyang gilid at nakita niya na mayroong isang lalaking pababa ng kaniyang kotse at nanlaki ang mata niya ng makilala iyon. Ito ‘yung lalaking kinagat niya at muntik na siyang kunin kasama ang mga kaibigan nito. Tatakbo na sana siya palayo ngunit agad nitong nahawakan ang kaniyang kamay. “Saan ka pupunta?” nakangisi nitong sabi sa kaniya. “B-Bitawan mo ako!” mahina ngunit takot na sabi niya sa lalaki. Dahil nga nanghihina siya ay hindi niya magawang magpumiglas sa lalaki. “Not ever again. Sumakay ka, may utang ka pa saakin.” Wala siyang nagawa ng ipasok siya nito sa loob ng sasakyan nito at bumalik it
MABILIS ang kaniyang takbo papalayo sa bahay na pinagmulan nila kanina. Alam niya na hindi siya titigilan ni Alas at hahabulin ito ng hahabulin kung kaya’t ginagawa niya ang kaniyang makakaya upang hindi siya nito maabutan. Takot na ang nadarama ng dalaga para sa binata hindi tulad noon na tuwang-tuwa siya kapag nakikita niya ito. Ang lahat ng iyon ay biglang naglaho sa isang kisap mata. “A-Aray!” napadapa siya dahil doon at ang polo na ibinigay sa kaniya ng lalaking kumuha sa kaniya kanina ay isinuot niya dahil punit na ang kaniyang damit. Hindi niya alam kung saan ang tungo ng kaniyang tinatakbuhan basta ang gutso niya ay makalayo kay Alas. Maya-maya ay nakakita siya ng kalsada sa dulo ng kaniyang tinatakbuhan kung kaya’t mas binilisan niya ang takbo. Nang makalabas sa kalsada ay laking gulat niya ng sumalubong sa kaniya ang tunog ng busina ng isang kotse. Kusa siyang napaupo sa sahig at inintay ang pagtama nito sa kaniyang katawan. Ngunit ilang sandali ang kaniyang inintay ay
“BAKIT galit sayo si madam Talia?” biglang usisa sa kaniya ng mayordoma ng makapasok siya sa loob ng kusina. Napayuko naman siya dahil doon at hindi makasagot. “H’wag mong sabihin na ikaw yung babaeng kasama ni sir Diego sa news?!” mas lalo siyang nanliit dahil sa sinabi ng matanda at hindi alam kung saan lulugar. “Wag kang mag-alala hija, hindi ka naming huhusgahan. Magtiwala ka lang saamin at mag kwento.” Napaangat siya ng tingin dito at nakita niya ang kasamahan niya na tumango maliban sa isang lalaki, habang nakangiti kaya biglang gumaan ang kaniyang pakiramdam. Sa dirty kitchen sila kumakain kung saan mayroong hapagkainan para sa kanilang mga katulong, body guards at mga bantay sa bahay. Mula sa dirty kitchen papasok sa pinakang loob ay kanilang perte lalo na at walang ibang amo na pumapasok doon maliban kay Faith na alam nilang mabait na bata. Ang katulong doon ay nasa tatlo, pang apat siya at ang dalawa ay may sakit kung kaya’t dalawa lang sila na andodoon. Ang body guards