Chapter 44: Assurance

ZAFFRIE's POV

"Momshie, kakain na," narinig akong pagtawag sa akin ni Thyrie mula sa labas ng aking kwarto.

Kasalukuyan akong nakatulala sa kawalan habang iniisip ang dahilan kung bakit hindi na naman ako sinipot ni Zio kahapon. Noong pinuntahan ko naman siya kahapon sa kanilang office, wala siya. Magdamag akong gising at iniisip lang siya. Nasaan na ba ang Bulldog na 'yon?

Napatingin naman ako sa pinto nang biglang bumukas 'yon at bumungad ang pagmumukha ni Thyrie na may sabon pa. Mayamaya ay narinig ko ang kaniyang pagtawa habang tinuturo ang mukha ko.

"Mukha kang panda, Momshie. Ano bang nangyari?" natatawang tanong niya kaya agad kong hinablot ang balisong ko at binato 'yon sa kaniya ngunit iniwasan lang niya iyon kaya mas lalo akong na-stress.

"Huwag ka nang dumagdag sa isipin ko, Thyrie. Baka hindi kita matantsa at ibaon ko ito sa lalamunan mo." Ipinakita ko naman sa kaniya