Chapter 37

“Ma, si Rem oh, may pinopormahan na.”

Agad na tinakpan ni Harem ang bunganga ko dahil sa biglaan kong pagsumbong kay Mama.

“Hindi ko pinopormahan ‘yon, kuya!”

“Ah talaga? Bakit ka namumula?” asar ko pa rito kaya naman mas lalong namula ang mukha niya dahil na rin sa kaputian.

Mabilis naman lumabas si Mama mula sa kusina at nakapamaywang na hinarap kaming dalawa.

“Aba’t napakabata pa nitong kapatid mo para manligaw. Sino ba ‘yan, Harem, ha? Bakit hindi mo ipakilala sa ‘min?”

I laughed. Akala mo kung sinong istrikta e, gusto rin palang makilala. Nakita ko kasi ang babaeng kalaro nito sa tapat ng bahay. May bagong lipat kasi at nagkataon na kaedad niya ang anak ng may-ari na ngayon ng bahay roon.

“H-hindi nga kasi!” Umiwas ito ng tingin kaya mas lalo akong na