"Mukhang ayaw nila tayong patuluyin...," hinuha ni Mang Lindo sa sandaling marating nila ang tagusan patungo sa kakahuyan.
Hindi naging kwestyunable kay Ian at Brix ang tinuran na iyon ng matandang kubain dahil kitang kita nila ang mga sala-salabid na sangang para bang inadya na iharang sa buong lagusan.
"Hindi po pwedeng hindi tayo tumuloy... buhay po ng pinsan ko ang nakasalalay dito...," pagkontra ni Ian na inilapag ang bitbit at itinuhog patayo ang umaapoy na sulo upang umpisahang limasin ang mga nakaharang sa daan.
Hindi tinutulan ni Brix at ni Mang Lindo ang aksyon ni Ian. Agad din silang sumaklolo upang mapabilis ang paglilinis sa mga naghambalang.
Sa bawat maalis nilang balakid, hindi maiwasan na masugatan sila sa bawat madaplis na maliliit na tila tinik ng mga sanga. Ang ilang dahon naman ay makati at lumilikha ng pantal sa kanilang mga balat. Kapagdaka'y napapatigil sila upang iinda o kamutin ang dulot nito.
Hindi pa man sila nakakapagsimula s
Madilim na nang pasukin nila Ian at Mang Lindo ang kakahuyan.Malaki ang tulong ng flashlight na bitbit ng matanda at ang sulong pinadala ni Mang Salde sa aking pinsan. Dahil rito, malinaw nilang nakikita ang bawat nilang hahakbangan.Ganun pa man, hindi iyon madali dahil hindi nawawala ang mga nakahambalang na mga sanga na para bang nagkaroon ng pagkakaingin sa lugar na iyon."Hijo, anuman ang mangyari... 'wag ka lalayo sa akin ha... 'wag ka magpapalinlang sa mga engkanto dito...," bilin ni Mang Lindo."Opo," determinadong sagot ni Ian habang hinahawi ang ilang kalat sa daraanan.Mula sa kanang direksyon nila, ilang impit na sigaw ng mga babae ang naulinigan nila. Agad silang napalingon rito." 'Tang, iyon po ba ang direksyong dapat natin puntahan?," maagap na pagtatanong ni Ian."Hindi ako sigurado pero doon nila tayo pinapatungo. Talasan mo ang paningin mo dahil maaring magkaiba tayo ng makikita...lakasan mo lang ang pakiramdam mo...," al
Lugmok na nakapaligid kami sa bonfire habang hinihintay ang pagbabalik ng tatlo."Nandito sila pero hindi ko maintindihan kung ano ang nais nilang ipahiwatig...," ikinagulat kong biglang pagkibot ni Pete."Kasama ba nila si Chadie?," puno ng interes kong pagtatanong."Wala siya pero mas maaliwalas ang mga mukha nila ngayon. Mukhang magandang senyales ito...," dugtong ni Pete."Matagumpay siguro sila Pareng Lindo," pakiwari ni Mang Salde habang naglalagay pa ng dagdag panggatong si Mang Hamin."Sana naman maging okey na ang lahat," panahing sana ni Kuya Bobby.Napapansin kong lumiligid ang mga mata ni Pete. Halatang sinusundan at pilit niyang inuunawa ang mensaheng inaalok ng mga kaluluwa.Ilang sandali pa, mula sa di kalayuang kadiliman, sumulpot sina Mang Lindo, Ian, at Brix.Agad kaming nagtayuan at sinalubong sila."Okey lang ba kayo?," pangangamusta ko sa kanila.Mula sa hingal na paglalakad, bumwelo ng tugon si Mang Li
Bagaman nakakapagod ang maghapon nilang pagpunta't pabalik mula sa kakahuyan, hindi ito naalintana ni Mang Lindo bunga ng isang bagay na kanyang nadiskubre.Buong pagmamadali siyang umuwi ng bahay."Helen! Helen! Buksan mo ang pinto!," ubod lakas na hiyaw niya habang kinakatok ang kanilang kawayang pintuan.Isang matandang babae na may tatlong taon na mas bata kay Mang Lindo ang lumitaw mula kusina, may hawak na sandok, at nanakbong inalis ang nakasukbit na kandado ng pinto upang makapasok ang mister."Ano ka bang lalake ka't nagkakandarapa ka? Natatae ka ba?," bungad niya sa asawa nang ito'y makapasok.Hindi ito pinansin ni Mang Lindo at dumeretso sa kanyang silid, lumusot sa ilalim ng kanilang higaang papag hanggang matagpuan ang pakay na sandata.Sa buong pagkilos na iyon ng matanda ay sinusundan lamang siya ng tingin ng kanyang misis. Nagulantang lamang siya nang paglabas sa kwarto ng kanyang katipan ay hawak na nito ang isang sumpak.An
"Ano'ng ginagawa n'yo dito?! Mga patay na kayo!!!," buong takot na pag-urong ni Larry.Nagtangka siyang tumayo at akmang tatakbo nang lumipat sa kanyang harapan ang isa sa mga kaluluwa at muli siyang mabuwal sa pagkakatayo."Mga patay na kayo!!!," muli niyang hiyaw na nawala na ang tama ng alak sa kanyang utak."Paano mo nasabing patay na sila kung nariyan sila at kaharap mo?," pag-usig ni Mang Lindo rito. "Ano ang ginawa mo sa kanila?," sadyang pagpapalakas ng matanda ng kanyang boses."Layuan n'yo ako!! Patay na kayo!!," patuloy na sigaw ni Larry habang gimbal ang kanyang mga mata sa presensiya ng tatlong babae.Muling sumulpot ang isa sa kanyang gilid at nakaupong parang bata sa kanyang tabi."Hindi ba't gustong gusto mo na malapit sa katawan ko? Hindi ba't gustong gusto mo nang babuyin mo ako?!," malamig na tinig mula sa isa na nag-ngangalang Brigette. "Pinatay n'yo pati ang inosenteng anak ko!!," pumupuot na boses at imahe ng babae.Nar
"Kumalma ka nga, Ian...," pag-awat ni Pete sa takot na nararamdaman ng pinsan ko. "Sa tingin ko, magmula ng pagbalik natin dito hanggang ngayon, napagtahi-tahi ko na ang lahat...," dagdag nito."Ano'ng ibig mong sabihin, Pete?," usisa ni Kuya Bobby.Biglang tumunog ang cellphone na hawak ni Mang Hamin at daglit niya itong sinagot:"Hello? .....Napatawag ka?," nanlaki ang mga mata ni Hamin sa balitang inihatid sa kanya ng kung sino ma'ng tumawag at saka bumaling sa amin. "Maiwan ko na muna kayo, may emergency lang sa bahay....," pagmamadaling pagbalikwas nito at pagpapaalam sa amin.Sa isang di inaasahang pagkakataon, natapilok si Mang Hamin at nahulog pababa sa tatlong baitang na hagdan sa bukana ng pintuan ng bahay.Nagulat kami sa eksenang iyon at naalarmang lapitan siya upang tulungan makatayo."Peste... bakit ba ako natapilok?," pagtataka nito sa sarili saka muling bumangon at nagmadaling sumibat.Nang makalayo si Mang Hamin, saka namin
Hindi malinaw na nauulinigan ni Mang Hamin at ng kanyang kasamang longhaired na lalake ang debateng nagaganap sa harap ng kanyang bahay habang nakatago sila sa pinakahardin ng kanilang bakuran.Nais na nilang tumakbo dahil sa alam na nilang sila ang pakay ng mga tanod na paikot-ikot sa loob at labas ng bahay ng kanilang pamilya. Subalit pinangingilagan nila na makagawa ng di inaasahang ingay mula sa kanilang kinaroroonan at makaagaw ng pansin sa mga naghahanap.Nakaramdam siya ng sama ng loob na kasama ng mga ito ang kanyang dalawang kumpadre na kasalukuyan noong kinakausap ang kanyang Tatay.Hindi niya man maintindihan ang usapan, alam niyang itinatanggi ng kanyang ama ang anumang paratang ng mga ito sa kanya."Paano nila nalaman na may kinalaman tayo sa nangyari sa mga babae?," galit na bulong ni Long hair."Hindi ko alam paano, Pidio.... pero malamang may kinalaman dito ang ginawa nila sa kakahuyan. Dahil sa mga batang iyon, mapapahamak ang kalayaan
Kumaripas ng takbo ang mga baranggay tanod kasama si Mang Salde nang umalingawngaw ang paghingi ng saklolo ng kasama ni Mang Lindo.Pagdatal nila sa naturang lokasyon, dinatnan nilang kapwa duguan ang tatlo. Ang nakaupo lamang na tanod na hawak ang kanyang ulo ay umiinda sa sumisirit na dugo sa noo nito. Habang nagpapapalag naman si Pidio upang umalpas sa yakap ng matandang kubain.Sa pagpipilit ni Pidio na makawala, ilang suntok at dagok ang pinakawalan niya sa mukha at katawan ni Mang Lindo ngunit kabilib-bilib na mahigpit pa rin ang kapit nito sa kanya hanggang abutan sila ng iba pa.Isang malakas na palo ng batutang yantok ang pinukol ng isang tanod na naunang nagtangkang sagipin ang matandang kubain mula sa pananakit ni Pidio.Nang mapayuko at tila nakaramdam ng hilo dahil sa pagpalo sa salarin, saka lamang pinakawalan ni Mang Lindo si Pidio mula sa kanyang mga bisig."Habulin n'yo si Hamin!," paos na usal ng matandang kubain na tuluyang inihiga sa
Gitla ang lahat sa biglang pagbagsak ni Chadie. Hindi nila malaman kung Chadie ba o Angelo ang kanilang itatawag sa mag-isang nabuwal.Hindi magkanda-ugaga sa dapat gawin ang bawat isa.Mula sa pagkahiga nito sa lupa, iniangat ni Emong ang ulo nito at marahang sinampal-sampal ang magkabilang pisngi nito.Halos lahat ng flashlight nila ay nakatutok sa nakahandusay na katawan."Emong, ibalik na natin siya sa bahay n'yo. Tara na!," mabilisang pag-aya ni Max sa pinsan.Pinagtulungan nilang iangat ang katawan ni Chadie. Maging sila Kat, at Carey ay tumulong na maayos itong mabuhat."Ano bang nangyayari talaga kay Chadie, ha?!," pang-uusisa ni Tita Tere."Hindi na po namin alam, Tita...," walang maisip na sagot ni Carey.Maya maya, humahangos na lumitaw si Tatay Bong at maagap na tumulong sa pagbuhat sa anak."Paano'ng nakalabas si Chadie?," bungad niya sa mga ito."Nakatulog po kasi kami lahat, Tito at gusto po ni Angelo maggala