Chapter 75

Shanra Pov

Pagkatapos kong magpaalam kina Denver at Tom na magbabakasyon ako ay agad akong nagligpit ng mga gamit ko. Sinang-ayunan ng dalawa ang pagbabakasyon ko para raw makapag-relax naman ako at maiwasan ko na rin si Craig na walang tigil na gumagawa ng paraan para makausap ako ngunit hindi ko pinagbibigyan. Para sa akin ay wala na kaming koneksiyon magmula nang binaril niya ako.

Kahit na masakit pa rin ang sugat ko ay mas pinili kong ako ang magmaneho ng kotse ko kaysa ang kumuha ng driver mula sa BAS. Since magbabakasyon ako ay tuluyan ko munang ilalayo ang sarili ko sa BAS. Pansamantalang kakalimutan ko muna ang aking pagiging assassin at mamumuhay ako na isang normal na tao. Gusto kong magkaroon ng peace of mind para pagbalik ko sa BAS ay klaro na ulit kung ano ang aking goals sa pagsali sa organisasyon. Aalisin ko sa utak ko ang mga nakakasagabal para matupad ko ang matagal ko nang inaasam na makapaghiganti.

Mahigit isang oras ang biniyahe ko mula sa Maynila papuntang Batang