CHAPTER 7: FIRST DAY

THIRD PERSON'S POV

Sa mansyon ng isa sa mga konsehal sa mundo ng mga bampira nagaganap ang isang pagtitipon. Lahat ng kabilang sa nakakataas ay nandoon maliban sa kaniya– ang nag iisang Cromwell.

Hindi mawawala ang mataas na tensyon sa bawat myembro ng konsehal. Lahat ay naghahangad ng kapangyarihan at mataas na pwesto. Lahat ay gustong angkinin ang pamumuno ng boung nasasakupan nila.

"Maaari na tayong magsimula." wika ng nasa gitna.

"Wala na ba kayong respeto sa angkan ng Cromwell at nagpatawag kayo ng pagpupulong nang hindi niya alam." kalmadong wika ng lalakeng nasa dulo. Nakayuko lamang ito.

"Para saan pa? Para kontrahin lahat ng desisyon at mungkahi natin?" galit na sambit ng babae. Sumang-ayon naman ang iba na siyang kinamulan ng ingay. 

"TAHIMIK!" sigaw ng nasa gitna. Siya ang anak ni Headmaster Caddel, si Leonardo Caddel.

"Pinatawag ko kayo dito para sa problema ng ating nasasakupan." mahinahong wika nito.

"Nagkakalat na ang mga new born at infected, may sinomang lumalabag sa batas natin!" dagdag nito. Nagsitahimik at walang sumagot kahit isa.

"Ngayon kung ayaw niyo makipagtulungan, bumaba na kayo sa pwesto niyo."

Nasa kaniya ang lahat ng atensyon ng nandoon, hindi nila alam ay may nakamanman sa kanila. Nakaupo lang ito sa pangalawang palapag sa may balkunahe. Nakikita at naririnig niya ang nangyayare sa ibaba.

Pinagusapan sa pulong kung paano mapatigil ang pagkalat ng mga new born at infected  sa boung bayan. Ang iba naman ay inatasan na puksain ang sino mang makitang new born at infected. Kahit kalahi nila ito ay kailangan pa rin nilang patayin upang mapatigil ang pagkalat.

Nang matapos na ang pagpupulong agad itong pinaalis ng punong konseho. Hindi lingid sa kaalaman ng mga nandoon ay may ibang balak pa ang myembro ng konseho.

Agad silang pumasok sa pribadong kwarto, apat sila ang naroon. Si Hilda, Anton, Seo at si Amelia Laurier. Ang ina ni Eurus Laurier.

"Hindi ba't isa itong pagsuway sa ating batas?" tanong ni Hilda, tinignan siya ng masama ni Seo.

"Hilda! Hindi ka sasama sa amin kung sang-ayon ka sa batas natin." wika nito.

Napatikom na lamang si Hilda at nakinig sa usapan ng tatlo.

"Ayokong may mahuli sa inyo, lalo na't tiyak natin na magagalit si pinuno." wika ni Amelia.

Pagkatapos nilang mag usap ay agad naman silang naghiwalay ng landas.  Sa kabilang banda, nakangisi lamang ang dalaga sa nasaksihan nito. Matagal na ay alam niyang may mga taksil na nagmala anghel pag kaharap siya. Kung suswertihin nga naman siya  malapit sa kaniya ang isa.

Agad itong bumaba sa pagkakaupo nito, marahang naglakad sa bawat pasilyong madadaanan niya.  Lahat ng ilaw na nakabukas ay namamatay sa pagdaan niya. Bumaba ito sa unang palapag at tinungo ang malaking pintuan. Bumukas ng kusa ito kasabay ng  biglang lakas ng hangin.

Malalakas na kulog at nagagalit na mga kidlat. Unti-unti na ring bumabagsak ang patak ng ulan. Marahang naglakad ang dalaga papunta sa labas, hindi nito ininda ang ulang bumabasa sa boung katawan niya.

"Mag handa kayo dahil paparating na ako." nakangising wika nito kasabay ng malakas na kidlat.

EURUS' POV

Hindi mawala sa isip ko ang pagbigay ng simpleng pagkain ni Ayu bilang pasasalamat. Gising pa rin ako kahit mag aala una na. Ganon din si Helios na may pinapanood, may kaniya-kaniya kaming ginagawa para mag ubos lang ng oras. Bukas na pala ang camping, hindi naman maaga ang alis namin kaya ayos lang kung mag puyat kami.

Inilabas ko ang note na bigay ni Ayu, habang binabasa ay hindi ko mapigilang ngumiti.  Buti na lang at di ako napapansin ni Helios dahil tiyak akong aasarin na naman ako nito.

Itinago ko sa bulsa ko ang sulat para kahit sa pag tulog ay kasama ko siya. Hindi ko pa rin maipaliwanag ang nararamdaman ko, ayokong alamin dahil natatakot ako sa pwedeng sagot.

Nag desisyon na akong matulog, ayoko namang maging bangag mamaya. Agad naman akong nakatulog.

Alas dyes na nang gisingin ako ni Helios. Nag pasalamat ako sa kaniya dahil ginising niya ko, mamayang alas dose kasi ang meet up sa ground square. Hindi na rin muli ako nakapanaginip ng masama, laking pasasalamat ko sa note na binigay ni Ayu.

Agad akong kumilos at nag ayos ng mga dadalhin ko. Tatlong araw kami sa Hawkin kaya kailangan kong mag dala ng maleta. Hindi ko kaya ang isang malaking bag dahil gusto ko ay may extra pa akong damit para kung may di kanais-nais na mangyare ay handa ako. Mga safety kit din ay nag dala ako.

Pagkatapos ko mag ayos ay agad akong naligo. Pagkatapos ay onting ayos lang at alis na. Pagkarating namin sa ground square halos andon na ang mga estudyante, hindi halatang excited sila. Ang iba ay maraming dala ang iba naman ay sakto lang.

"Students." tawag ni sir Casio. "Please go to your designated section dahil aakyat na kayo sa bus." wika niya. Mabilis na nagsikilos ang mga estudyante, nang nasa kaniya-kaniya na kaming section saka naman nagsidatingan ang mga bus na sasakyan namin.

Agad namang pumasok ang mga estudyante sa bus nila. Ganon din kami, nasa tabing bintana ako katabi Helios. Ibang estudyante ang katabi ni Eros samantalang magkatabi naman sina Loki at Dion. Hindi talaga sila mapaghiwalay kahit saan.

Maya-maya ay umandar na ito, syempre hindi mawawala ang pagdadasal para sa maayos na byahe. Matapos ang ilang pagbibigay ng mga rules and mga dapat gawin at 'di dapat agad namang nag ingay ang mga kaklase ko. May nagpapatugtog, may nag aasaran, may kumakain na kaagad at may katulad ko na nakikinig lang

Maayos ang naging byahe, hindi rin ganon kainit. Makulimlim ang langit pero hindi naman babagsak ang ulan.  May nakasabayan rin kaming bus, bus ng ibang section kaya naman kumaway sila sa'min.

May hinahanap akong tao, hindi ko kasi nakita kanina. Sana sumama siya, pero kung hindi naman ay ayos lang.

Nakaidlip ako sa byahe namin, naalimpungatan na lamang ako nong nag iingay ang mga kaklase ko. Napagalaman kong nasa tapat pala ng bus namin ang section A2, kaonti lamang sila sa bus nila. Balak ko na sama umidlip uli nang sikuhin ako ni Helios. May itinuro ito kaya sinundan ko ng tingin.

Si Ayu. Nakasandal ito at mahimbing ang tulog. Katabi nito si Hades na nakasandal sa balikat niya, tulog din. Hindi ko maexplain pero biglang kumirot ang dibdib ko. Para bang may tumusok dito.

Unang umandar ang bus nila sa'min. Hindi ko nalang pinansin at umidlip na lang. Boung byahe ay idlip lang ang ginawa ko, hindi na rin ako sumama sa kanila bumaba nong nag stop over sa bayan ng Acrane.

Hindi ako nakaramdam ng gutom, tanging nararandaman ko lang ay pagkawala ng gana. Hindi ko maintindihan ang sarili ko. Kaibigan lang kami ni Ayu pero bakit ganito ang pinaparamdam niya sa'kin. Bakit parang binabaliw niya ako. Tama pa ba ang ginagawa ko?

Nakarating kami sa Hawkin bandang alas syete na ng gabi. Agad naman kaming inassist nong mga taga doon para sa mga room na gagamitin namin. Magkatabi lang ang room ng section A2 sa room namin.

Natuwa naman ako nang malaman kong kabilang room lang pala sila. Inayos na namin ang mga gamit namin, inilatag na rin namin ang foam para mamaya pagkatapos kumain ay matulog na. May binigay sa'min na nakastyro na pagkain.

Pagkatapos naming kumain ay sinabihan kaming maglinis ng katawan sa may dulong cr malapit sa stage. Bawat pasok ay tig-dadalawa para mabilis dahil isa lang cr for both gender. Nang matapos na kaming mag kakaibigan agad akong umupo para mag pahinga bago mahiga. Nag kwentuhan muna kami hanggang sa mapagdesisyunan naming matulog na.