BILLIONAIRE'S SPECIAL MENU C2

COURTNEY ANNIKA...

Pumasok s'ya sa kan'yang sasakyan na mainit ang ulo dahil sa nangyari sa usapan nilang dalawa ng kan'yang ama.

"Ang kakapal ng mga mukha! Akala mo naman ay sila ang totoong may-ari ng kompanya ni dad, eh mga sampid lang naman!" inis na sabi n'ya habang binubuhay ang makina ng sasakyan.

Agad s'yang umalis sa bahay ng kan'yang ama dahil baka kung ano pa ang magawa n'ya sa bagong pamilya nito. May sarili s'yang bahay dahil hindi n'ya na kayang manatili pa sa bahay ng kan'yang ama.

Araw-araw silang nagbabangayan ng kan'yang madrasta at step sister at hindi na healthy para sa kan'ya ang ganong environment kaya naman ay bumili s'ya ng sarili n'yang bahay mula sa kan'yang sahod sa pagtatrabaho sa kompanya ng kan'yang ina.

S'ya ang namamahala nito ngunit hindi pa ito mapapasakanya hangga't hindi s'ya nag-aasawa. Iyon ang nakasaad sa last will ng ina at kailangan n'ya iyong sundin dahil kung hindi ay mapupunta sa kan'yang ama ang naturang kompanya at iyan ang hindi n'ya mapa