CHAPTER 16

ADRIAN KYLE...

Nauna s'yang lumabas ng kwarto at iniwan si Nalie para makapag bihis ito. Naupo s'ya sa sofa sa living room at nakita n'ya ang bag ni Nalie na nasa couch kaya naman ay kinuha n'ya ito at inilagay sa tabi n'ya para hindi n'ya makalimutan mamaya.

Habang naghihintay sa dalaga ay nagbabasa-basa muna s'ya at hindi naman ito nagtagal sa loob at bumukas ang pinto ng kan'yang kwarto at lumabas ang babae.

Agad s'yang tumigil sa pagbabasa at nag-angat ng ulo at ang magandang mukha ni Nalie ang bumungad sa kan'ya .

Napaka ganda talaga nito at hinding-hindi s'ya magsasawa na tumingin sa mukha ng babae. Hindi n'ya maintindihan kung bakit nakuha pa ng asawa nito na maghanap ng iba na kung tutuusin ay napaka swerte na nito sa babae.

Yong ganda na hindi nakakaumay at pangarapin mo at paulit-ulit na titingnan. Ang mga mapupungay na mga mata ni Nalie na kulay brown ang s'yang unang-una na mapapansin sa mukha nito.

At dito din s'ya unang nahumaling ng makita n'ya ito sa hospital noong una