CHAPTER 18

ADRIAN KYLE...

Hindi naman nagtagal si Howald sa bahay ni Henry at nagpaalam ito na uuwi na muna. Mukhang naintindihan nito na may kailangan silang pag-usapan ng kan'yang pinsan kaya naman ay binigyan sila nito ng privacy para makapag-usap ng maayos.

"Sa library tayo," aya sa kan'ya ng kan'yang pinsan. Nauna itong tumayo at sumunod s'ya rito sa library na s'yang nagsisilbing opisina na rin nito kapag nagtatrabaho sa bahay.

Pagkapasok nila ay agad itong humarap sa computer at mabilis na pinatay ang lahat ng mga camera at nilagyan ng mas matibay na security code ang system ng buong bahay nito para hindi basta-bastang mapapasok ang naturang hacker.

Naupo s'ya sa harapan ni Henry at ganon din ang pinsan habang mataman na nakatingin sa kan'ya at parang binabasa ang kan'yang iniisip.

"What is it this time Adrian?" bungad na tanong ng pinsan sa kan'ya. Nagpakawala muna s'ya ng hangin at kinalma ang sarili bago kinuha ang kan'yang cellphone at binuksan ang mensahi na ipinadala ng hacker sa k