CHAPTER 19

NALIE ATHALIA...

Pagkatapos nilang mag-usap ni Khairo ay nagpasya s'yang maglinis ng bahay para makalimutan n'ya ang kan'yang mga iniisip.

Hindi n'ya namalayan ang oras at gabi na pala. Nagluto na din s'ya ng kan'yang makakain mamaya at naligo muna.

Isang oras s'ya sa banyo dahil napagpasyahan n'ya na magbabad sa bath tub para makapag relax. Nagsindi s'ya ng scented candle at nilagyan ng shower gel at mga petals ng rosas ang tub na pinuno n'ya ng maligamgam na tubig.

Nang maihanda na ang lahat ay hinubad n'ya ang lahat ng saplot sa kan'yang katawan at lumusong na sa bath tub.

Napaungol s'ya matapos ilublob ang katawan sa maligamgam na tubig. Nakaramdam s'ya ng kaginhawaan ng maramdaman ang temperatura ng tubig sa tub.

Isinandig n'ya ang kan'yang ulo at ipinikit ang mga mata. Sa kan'yang pagpikit ay ang mukha ni Adrian ang kan'yang nakita.

Katunayan ay kanina n'ya pa iniisip ang lalaki at kahit kailan ay hindi ito nawala sa isip n'ya. Ito din ang dahilan kung bakit ibinaling n'ya sa pa