Chapter 115

"Matanda na ako Jayden, hindi ko alam kung hanggang kailan pa tatagal ang pananatili ko sa mundong ito pero ramdam kong nalalapit na ang hangganan ng aking buhay. Paano na si Berry at ang mga apo ko kapag wala na ko? Kung ikaw ang makakasama nila ay mapapanatag ako na iwanan na rin sila, dahil alam kong mahal mo ang anak ko at aalagaan mo ang mga apo ko kahit na hindi ko iyon ipakiusap pa sa 'yo." malungkot na saad ng ama ni Berry.

"Pareho lang kayong naging biktima ni Berry ng anak ni senator Mallari, kaya Alam namin ni Lawrence na naghirap ka rin tulad ng paghihirap ni Berry. Sa ilang taon na wala sa tabi mo ang anak ko ay hindi mo sinubukan na maghanap ng iba at kalimutan siya. Hindi ka sumuko sa paghahanap sa aking anak at kahit na nga pwede mo naman na siyang palitan ng ibang babaeng mas higit pa sa kanya ay hindi mo naman ginawa bagkus ay umasa kang makikita pa siya at dahil doon ay napatunayan mo sa akin na karapat-dapat ka pa rin na ibigin ng aking si Berry." dugyong pang t