Chapter 41

Lumipas ang mahigit isang linggong pananatili nila Jayden at Berry sa isla. Araw-araw ay magkasama silang palagi at hindi naghihiwalay. Kahit ang pagdayo ni Jayden sa ibang isla na kalapit lang ng isla nila ay isinasama niya si Berry upang hindi rin mainip ang dalaga.

Kasalukuyan silang nasa tabing dagat at sabay na pinanonood ang paglubog ng araw. Tuwing hapon ay ginagawa nilang dalawa ang maupo sa malaking bato na hinahampas ng alon.

Nakayakap sa likuran ni Berry si Jayden at nag iisip ng malalim. Panay ang pagbuntong hininga niya kaya siya tinanong ni Berry kung may iniisip ba siyang problema.

"Tumawag sa akin si Dad kanina, pinababalik na niya ako sa opisina. May importanteng bagay siyang ipinagagawa sa akin at hindi ko iyon pwedeng balewalain," seryosong saad ni Jayden na sa papalubog na araw pa rin nakatingin.

Awtomatiko namang napalingon si Berry sa likuran niya, sa mukha ni Jayden na halatang namumuroblema. Tipid na napangiti si Berry. "Matagal na rin kase ang bakasyon natin d