KABANATA 45

Habang inililipat niya ang mga gamit sa isang bag na dadalhin niya sa eskwelahan. Nakarinig siya ng katok mula sa pinto niya.

“Pasok!” may kalakasan na wika niya habang inilalagay ang folder sa bag. Thesis niya iyon sa finance subject niya. ‘Yon ang ilang araw na niyang ginagawa na napaganda lang kagabi sa tulong ni Giselle. Habang pinaayusan niya si Giselle sa salon, tinatapos naman niya ang thesis niya dahil ngayon ang huling deadline nila. Doon lang kasi siya nagiging masipag kapag malapit na ang pasahan. Medyo istrikto pa naman ang professor nila sa finance.

Napabilib siya sa utak din ni Giselle dahil ng binasa nito ang ginawa niya ay nakita kaagad nito ang maraming butas sa thesis niya. May mga binago ito at idinagdag para mabigyan ng hustisya ang kaniyang thesis.

“Iha, may bisita ka sa baba si Marlon at may babaing kasama… Giselle raw ang pangalan?” parang alanganin na wika ni Manang Tising sa kaniya ng pumasok ito sa kuwarto niya.

Napabaling ang tingin niya sa Mayordoma mula