Chapter 2
Nasundan niya ng tingin ang therapist na hinatid ni Alejandro palabas ng kwarto ni Nexus. Hindi maganda ang kinalabasan ng session ng learning abilities ng dati niyang asawa dahil hindi ito nakikipag-cooperate.
Bumalik siya sa harapan ni Nexus na nakatingin sa kanya mula pa kanina. Umupo siya sa gilid ng higaan nito at inabot niya ang flashcards na ginamit kanina ng therapist.
“Alam mo ba kung ano ito?” Ipinakita niya ang isang flashcard na may nakasulat na letrang ‘B’.
Hindi siya sinagot ng lalaki bagkus ay nakatitig lang ito sa kanya.
“This is letter B.” Kinuha niya ang isa pang flashcard. “And this is A.”
Tumango si Nexus, naiintindihan ang sinabi niya.
“Ano ito?” muli niyang tanong.
“E-Ey.”
“How about this one?”
“B-B.”
Bahagyang kumunot ang noo niya. “Alam mo naman pala eh. Bakit hindi ka sumasagot kanina nang tinanong ka no’ng therapist?”
Parang bata lang na umiling si Nexus.
Kumuha ulit siya ng isa pang flashcards at muling ipinakita. “Ito? Alam mo?”
Nang tumango si Nexus ay mariin niyang kinagat ang kanyang mga labi. Alam naman pala nito ang mga itinuturo ng therapist kanina, bakit hindi ito sumasagot at panay lang ang tingin sa kanya?
“Next time, kailangan mong sagutin kung ano ang itinatanong ng therapist.” Mistula siyang nanay na pinapagalitan ang anak dahil hindi ito nakasagot sa tanong ng guro. “Hindi pwedeng ganito ka palagi. Paano ka gagaling? Gusto mong gumaling ‘di ba?”
“G-Gus..to,” he paused and look at her like a scolded kid, “ko, ikaw-w ang turo.”
Umirap siya at naiinis na pinagmasdan ang dati niyang asawa. The man that she’s looking at right now, is far from the mighty Nexus Almeradez she knew.
Maputla ang mukha, walang kulay ang mga labi, may kahabaan ang buhok at mahaba ang balbas. Malayong-malayo sa Nexus Almeradez na walang sinasanto pagdating sa negosyo, makapangyarihan at kinatatakutan.
Sa mga sumunod na sandali ay napilitan siyang turuan si Nexus. Kapag mas madali itong gumaling, mas mabilis siyang makakabalik sa dati niyang buhay at makakawala siya sa anino nito. Nang makatulog si Nexus matapos uminom ng gamot, tumayo na siya at lumabas ng kwarto.
It’s been three days since she went to Manila. Wala siyang ginawa kundi manatili sa tabi nito. It was suffocating for her but she can’t do anything because this is a job for her. A mission that she needs to stand and survive or she’ll die if she let her anger explodes.
“Amara,” tawag sa kanya ni Alejandro nang makasalubong niya ito sa elevator.
Tipid niyang tinanguan ang lalaki at sinabayan ito maglakad patungong cafeteria ng hospital. Alam niya kasing kailangan nilang pag-usapan kung paano ang magiging buhay ni Nexus kapag na-discharge na ito sa hospital.
Kung may tao man sa loob ng hospital na totoong nagmamalasakit, si Alejandro iyon. At hindi niya nagustuhan na nainis siya bigla nang tila walang pakialam na umalis kanina si Hordan at Leticia bago pa man magsimula ang therapy ni Nexus.
“It’s nice to see you again,” simula ng lalaki. “How are you?”
“Doing fine until Leticia shows up again.”
“I’m sorry if you need to endure this.”
“It’s money. I need it.”
Simula pa lang ay maayos na ang pakikitungo sa kanya ni Alejandro at maituturing niyang kaibigan ito. Subalit, nang maghiwalay sila ni Nexus, mas pinili niyang putulin rin ang komunikasyon niya rito.
“Kilala kita. Hindi mo iyon kailangan.”
Nagkibit-balikat siya. “Paniwalaan mo ang gusto mong paniwalaan.”
Ilang segundo rin siya nitong tinitigan bago muling nagsalita. Tila may gustong sabihin ang mga mata nito ngunit mas pinili na lang manahimik.
Pinag-usapan nila ang tungkol sa pag-uwi ni Nexus sa Hacienda Constancia kapag nakalabas na ito ng hospital. Dahil ang alam nito ay mag-asawa pa rin sila, kailangan niya ring manirahan sa mansion nito sa hacienda.
She used to live in there. Gamay na niya ang pasikot-sikot ng hacienda kaya lang hindi niya alam kung kaya niya bang manatili sa lugar kung saan marami silang masaya at mapait na alaala nila ni Nexus.
Mananatili siya sa tabi ni Nexus hanggang sa makaalala na ito at doon niya lang makukuha ang kabuoang bayad ng kanyang serbisyo.
Pagkatapos nilang mag-usap ni Alejandro ay umuwi siya sa condo ni Meimei. Nakatanggap siya ng tawag mula sa sekretarya—si Anjeanette, na nag-set ng appointment ang arkitekto at engineer para sa itatayong mga Casa.
Tuloy ang expansion ng kanyang negosyo.
Umalis siya sa Maynila na kay Alejandro lang siya nagpaalam. Naintindihan naman yata nito na ayaw niyang kausap si Nexus kaya hinayaan na lang siya nitong umalis ng hindi man lang nagpapakita sa dati niyang asawa.
Naging busy siya sa nakalipas na halos isang buwan. Kaliwa’t kanan ang meeting niya dahil sa expansion. May mga investors din na nagpakita ng interes sa pakikipagsosyo sa kanya.
Napatingin siya sa telepono nang bigla iyang tumunog. Ibinaba niya ang kanyang hawak-hawak na sign pen nang masilip na wala si Anjeanette sa table nito. Dinampot niya ang telepono at inilapit sa kanyang tainga.
“This is Casa Amara, office of the CEO. What can I do for you?”
“H-Hi,” wika ng pamilyar na boses sa kabilang linya. “T-To Amara S-Stephanie Almeradez, please.”
Sandaling tumigil ang kanyang paghinga sa buong pangalan na binanggit ni Nexus sa kabilang linya.
Sandali niyang binaba ang telepono at huminga ng malalim. Tumikhim siya bago muling inilapit iyon sa kanyang bibig.
T-This is Amara Stephanie…A-Almeradez,” nagkandautal at hirap siyang ikabit ang apelyidong iyon sa pangalan niya.
“S-Steph. Miss you…” Kumpara nang iniwan niya ito, mas maayos na ito magsalita ngayon. Pautal-utal pa rin ngunit nasasambit na nang mas malinaw ang mga salita.
“Hey,” wika niya, hindi pinansin ang sinabi nitong na-miss siya nito.
“K-Kailan ka pupunta ulit d-dito? H-Hindi ka nagpaalam sa…sa akin.”
“Hindi ko alam. I’m busy,” she tried her very best to sound interested in what he was saying.
Halos mag-iisang oras din siyang nagtiis na marinig ang boses ni Nexus. Kung hindi lang ito magdududa, malamang binabaan niya na ito ng telepono. Kahit nahihirapan at medyo pautal-utal, nagawa pa rin nitong ikwento sa kanya ang mga ginawa nito habang wala siya.
Ibinida pa nito sa kanya na sumusunod daw ito sa itinuturo ng therapist dahil iyon daw ang gusto niya.
Huh! Ginawa pa siyang dahilan. Kanda irap na naman siya dahil sa iritasyon.
“I need to go. May meeting pa ako,” aniya.
“O-Okay. B-Bye.”
“Yeah.”
“S-Steph,” malambing ang boses na tawag nito sa kanya nang akmang ibaba na niya ang telepono.
She sighed quietly. “Hmn…”
“I-I…love y-you.”
Hindi niya inasahan ang reaksyon ng kanyang puso. Bumilis ang pagtibok niyon ng walang permiso niya kaya malutong siyang napamura at pabagsak na binitawan ang telepono.
MALUHA-LUHA siyang sinalubong ni Nanang Yeye nang bumaba siya sa kotse ni Sebastian, ang asawa ng kanyang nakatatandang kapatid na si Neshara.
Hinatid siya ng mga ito sa bungad ng hacienda kung saan naroroon ang pick-up na naghihintay sa kanya.
“Amara, naku anak. Miss na miss na kita,” hagulhol ng mayordoma ng mansion at mahigpit siyang niyakap. Hinaplos niya ang likod ng matanda at pinigilan ang sarili na maluha rin.
Dalawang taon niya rin hindi nakita ang mayordoma nag-alaga at kakampi niya noong nanatili pa siya sa mansion ng Hacienda Constancia.
Bumitaw sa kanya ang matanda ngunit hindi lumayo, bagkus ay hinawakan nito ang magkabila niyang pisngi.
“Mas gumanda ka ngayon, Alaga ko.” Hinalikan siya nito sa magkabila niyang pisngi na parang isang ina nawalay ng matagal sa anak.
Kinuha ni Mang Ambo—ang asawa ni Nanang Yeye—ang kanyang mga gamit sa loob ng sasakyan ni Sebastian. Nakatingin lamang sa kanya ang ate niya pati na rin ang asawa nito habang tinutulungan niya si Mang Ambo.
“Salamat sa paghatid, Ate,” wika niya sa kapatid na nakatayo na sa harapan ng kotse.
“Wala ‘yon.” Hinawakan nito ang magkabila niyang kamay at pinisil iyon. “Magiging maayos ka ba rito? Sigurado ka ba sa disisyon mo? Pwede kang mag-back out sa usapan niyo ni Leticia. Sebastian can lend you money.”
“I will be fine.” Matatag ang kanyang ba
Bumuntong-hininga ang kanyang kapatid at muling pinisil ang magkabila niyang kamay Niyakap at hinalikan siya sa ulo katulad ng kung paano siya nito halikan no’ng mga bata pa lamang sila. Ilang sandali pa ay nagpaalam na rin ang mga ito sa kanya matapos siyang bilinan ng nakatatandang kapatid na dalaw-dalawin niya ang mga ito sa bahay.
“Tara na, Anak,” yaya sa kanya ni Nanang Yeye. Katulad pa rin ng dati, mabait at palakwento ang matanda. Nang magsimulang pumasok ang sasakyan sa loob ng lupain ng mga Almeradez, nagsimulang magkwento ang matanda sa mga nangyari sa Hacienda simula ng umalis siya.
The Hacienda looks wider than before. Iba na rin ang kulay ng malaking gate sa pinakabungad ng lupain kung saan may arko na nakalagay ang pangalan ng hacienda. Natataniman pa rin ng puno ang magkabilang gilid ng driveway ngunit nadagdagan ng mga bench roon. May mga katamtamang laki rin na puno ng mangga sa kaliwang bahagi ng driveway. Wala pa ang mga iyon nang umalis siya.
Ilang sandali pa ay natanaw na niya ang mansion na nakatayo sa pinakagitnang bahagi ng malawak na lupain. Katulad ng dati, kulay puti pa rin ang kulay niyon. Matayog pa ring nakatayo na tila kastilyo sa pinakagitna ng kaharian.
Sa harapan niyon ay nakatanim ang mga bulaklak na kumo-konekta sa kaliwang gilid ng mansion na may malawak na hardin.
May tatlong katulong na agad na lumapit sa kanila nang tumigil ang sasakyan sa front door ng mansion.
“Sa master’s bedroom niyo ilagay ang mga maleta,” utos ni Nanang Yeye.
“Sa guest room po, sa harap ng master’s bedroom.”
“Pero anak di ba—”
“Ako na pong bahala,” wika niya nang akmang babanggitin nito ang tungkol sa na-aalala ni Nexus na mag-asawa sila.
Tumango ang matanda at hinayaan ang dalawa katulong na buhatin papasok ang mga maleta niya.
“Nasabi ko na sa mga trabahador ang sitwasyon. Walang magbabanggit kay Nexus na hiwalay na kayo. Pati na rin ang mga trabahador sa taniman ay nasabihan ko na rin. Hindi naman kami nahirapan ni Ambo na kausapin sila dahil mabilis naman silang kausap. At saka isa pa, alam nila ang kalagayan ni Nexus.”
“Salamat po.” Inaya siya nito papasok sa loob ng mansion.
Nag-atubili pa siyang itapak ang kanyang mga paa sa malinis na sahig ng bahay. Tila bigla siyang nilukob ng kalungkutan at ang mga alaala ng kahapon ay mistulang agos na rumagasa sa kanyang sistema.
Inihakbang niya ang isang paa papasok. Sumunod ang isa pang paa hanggang sa namalayan na lang niya ang sarili na nakatitig sa nakasabit na malaking larawan nila ni Nexus sa living room. Masaya ang ngiti niya sa larawan, habang si Nexus naman ay kahit nakataas lang ng bahagya ang sulok ng labi, bakas naman sa mga mata ang kasayahan.
Kumuyom ang kamao niya, gustong suntukin ang larawan na iyon.
Humarap siya sa mayordoma at itinuro ang wedding picture. “Hindi naman siguro kailangang i-display pa ang picture na iyan.”
“S-Sige. Ipapaalis ko na lang,” tanging sagot ng mayordoma nang makita ang hindi maitagong iritasyon sa mukha niya. Nagtawag ito ng katulong.
Hindi niya na nilingon pang muli ang wedding picture nang alisin iyon ng dalawang katulong.
Chapter 3 Inaya siya ni Nanang Yeye na kumain muna dahil nagluto raw ito para sa pagdating nina Alejandro at Nexus sa hacienda. Tipid niyang tinanggihan ang paanyaya ng matanda at sa halip ay pinili munang magpahinga. Hindi siya maayos na nakatulog kagabi. Bakas sa mata ni Nanang Yeye ang lungkot habang nakasunod ang tingin nito sa kanya na paakyat ng hagdan. Hindi niya tinapunan ng kahit na saglit na tingin ang pintuan ng master’s bedroom. Dire-diresto lamang siya papasok sa kwarto na nasa harap niyon. Ang maaliwalas na silid ang bumungad sa kanya. Hinubad niya ang suot na high heels bago basta na lang iyon itinapon sa sahig. Humakbang siya palapit sa sliding door na gawa sa salamin. Binuksan niya iyon at lumabas patungo sa Veranda. Binusog niya ang kanyang mga mata nang kulay luntiang kapaligiran. Ang mga bundok sa kalayuan, matataas na puno na ang ilan ay may nagkukumpulang bunga ng prutas, ang malawak n
Chapter 4 Nakangiti ang matalik niyang kaibigan na si Castiel nang salubungin niya ito sa harap ng mansion. Nakapaskil ang mapang-asar nitong ngisi sa mga labi nang i-abot sa kanya ang isang pumpon ng bulaklak. “Hindi mo sinabi sa akin na babalik ka sa hacienda. Change of mind?” Inirapan niya ito at inaya ito papasok ng mansion. Nakasalubong niya si Nanang Yeye na pababa ng hagdan. Curious itong nakatingin kay Castiel. “Nanang, palagay naman po nito sa vase,” aniya. Hindi nakaligtas sa kanyang paningin ang nag-uusyusong pagtaas ng kilay ni Castiel sa sinabi niya. Atubili pa ang matanda nang kunin nito mula sa kamay niya ang bulaklak. “Ikaw iyong binate ng mga Revamonte, hindi ba? Ang may-ari ng Rancho Revamonte?” Ang Rancho Revamonte ay ang katabing lupain ng Hacienda Constancia. Tumango si Castiel at magalang na bahagyang yumuko sa matanda. “Opo. Ako nga po.” Tumango-tango si Nanang
Chapter 5 Natigilan sa paghakbang si Amara Stephanie nang marinig niya ang pamilyar na boses sa loob ng kwarto ni Nexus. “Leave us first,” si Leticia. Nagulat pa si Rex nang makita siyang nakatayo sa harap ng pinto nang lumabas ito. Bahagya lang itong yumuko at umalis sa harap niya, iniwan ang pinto na nakabukas ng kaunti. Dumating si Leticia at Hordan kaninang alas-tres ng madaling araw, sakay ng chopper na lumapag sa rooftop ng mansion. Inis na inis pa siya dahil binulabog ang tulog niya. Mabuti sana kung sa master’s bedroom siya nakahiga dahil soundproof iyon. Nagkanda-istorbo rin ang mga katulong na namamahinga dahil sa walang pasabing pagdating nito at tila pa donyang sunod-sunod ang utos sa mga kasambahay. Pati si Nanang Yeye na hindi pa masyadong nakatulog ay pinag-uutusan na ng bruha. “I have some papers here na kailangan ng pirma mo.” Wala siyang narinig na sagot mula kay Nexus. Kailangan lang ng
Chapter 6 Dalawampung missed calls ang bumungad sa kanya nang buksan niya ang kanyang cellphone. Galing sa iisang numero. May tatlong text na nagpakilalang si Rex, nakiki-usap kung pwede raw na bumalik na siya sa Hacienda. Bandang alas-onse pa ang mag text message at alas-singko na nang hapon. Dinelete niya ang missed calls at muling ibinalik ang cellphone sa dala-dala niyang bag. Nagsisimula ng dumilim ang paligid kaya nagsibukasan na ang mga street light na nasa gilid ng magkabilang driveway. Mas binagalan pa niya ang kanyang paglalakad, ayaw matapos ang sandaling iyon dahil kapag nakapasok na siyang muli sa mansion, alam niyang hindi na naman siya muling makakahinga. Nakasasakal! Pasado ala-sais na nang gabi nang makarating siya sa mismong bahay ng Hacienda Constancia. Nabistahan niya ang sasakyan ni Alejandro na nakasampa sa Bermuda grass. Tahimik ang paligid nang makapasok siya living room. Walang bakas ni Leticia o ni Hordan man.
Chapter 7 Wala sa oras na napatakbo siya kay Nexus nang nang makitang namimilipit ito sa sahig. Nakadagan sa kalahating katawan nito ang wheelchair. “Nexus!” Hindi ito sumagot bagkus ay mas lumalim ang pakakakunot ng noo nito at mas lalong namilipit. “Nexus!” Mahina niya itong inalog ngunit umiling lamang ito na parang may iniinda. Bumaba ang tingin niya sa kamay nitong hawak-hawak at mahina siyang napamura nang makitang dumudugo iyon dahil sa mga nakatusok na mga basag na bote. Ngayon niya rin lang napansin ang mga bubog sa sahig. Nakita niya ang baso at platito na basag sa di-kalayuan. Napamura siya nang mahaplos niya ang mukha nito dahil inaapoy ito ng lagnat. Sunod-sunod niyang pinindot ang buzzer at nang walang sumagot sa intercom ay muli niyang nilapitan ang dating asawa. “S-Steph,” nahihirapan nitong wika. Napangiwi siya nang halos pareho silang babagsak nang binuhat niya ito upang ibal
Chapter 8 Nanlalaki ang kanyang mga mata at natuod sa kinauupuan. Ang malambot na labi ni Nexus ay tila kawad ng kuryente na naghatid sa kanya ng nakakapanginig na boltahe at pinaralisa ang buong sistema niya. Kung gaano kabilis lumapat ang labi ni Nexus sa mga labi niya, ganon din kabilis itong humiwalay. Namula ang tainga nito pati na rin ang leeg bago yumuko at isinubsob ang mukha sa kanyang leeg. Kung hindi pa humaplos ang kamay nito na nasa kanyang baywang ay hindi pa magigising ang diwa niya. Ilang beses siyang lumunok at iginalaw ang kamay para maingat na alisin ang ulo ni Nexus sa kanyang balikat. “Magpahinga ka na, gigisingin na lang kita kapag nakaluto na ang chief.” Naramdaman yata nito ang pag-iwas niya dahil pinisil nito ang kanyang baywang bago mabagal iyong binitawan. Nagpaubaya ito nang inalalayan niya itong pahiga sa kama. Nang masiguro niyang maayos na ito sa kinahihigaan ay sumandig siya sa headboard
Chapter 9 Ipinarada ni Amara Stephanie ang kanyang sasakyan sa harap ng mansion ng hipag niya na nasa loob ng exclusive village ng Northshire town. Maraming kotse na nakasampa sa Bermuda grass pati na rin sa parking space. Dinig na dinig niya ang pambatang tugtog at sigawan ng mga bata na nagmumula sa hardin ng mansion. Kinuha niya ang malaking paper bag bago siya bumaba sa kanyang kotse. Sinalubong siya ng isang kasambahay ng mga Rocc at iginiya siya sa garden ng mansion. Bibong-bibo na tumakbo papunta sa kanya ang birthdays celebrant na si Sevi. “Tita!” maligalig nitong wika at agad na kumunyapit sa kanyang hita bago siya tiningala at kumurap-kurap ang bata. “Happy birthday,” she greeted and kissed her nephew’s forehead. Hinawakan ni Sevi ang dala niyang paper bag at ngumisi sa kanya. “Is this for me?” Tumango siya at tuluyang inabot dito ang regalo. Tuwang-tuwa ito at gusto na sanang buksan kung hindi lan
Chapter 10 Ang sabi sa kanya ni Alejandro, bigla na lang daw naglahong parang bula si Angel Love nang maaksidente si Nexus. Nakabalandra sa lahat ng TV station, mga dyaryo at social media ang engagement ni Nexus at Angel Love, isang buwan matapos ang opisyal na hiwalayan nila ni Nexus. Si Angel Love ang gusto ni Leticia para sa anak nito. Halatang-halata ang pagkakagusto ni Angel Love kay Nexus at dikit ng dikit na parang linta kahit noong kasal pa sila. Lumipat ang tingin niya sa lalaking katabi nito. The man on his late fifties. Kung hindi siya nagkakamali ay senador iyon ng bansa. Mistulang nakakita ng multo ang babae nang naglakad siya papunta sa direksyon nito. Nilagpasan niya si Angel Love at lumapit sa kapatid niyang kausap ang isang ginang. Nagpa-excuse si Neshara at niyakap siya nang magpaalam na uuwi na. “Nakita ko ang hilaw na fiancée ni Nexus. Gusto mo palayasin ko?” bulong nito sa kanya habang matalim ang tingin kay Angel Love. “H