KABANATA 15

Bilang na bilang na niya ang mga araw sa piling ni Clayton. Sa buwan na iyon ang balik ni Faith, naikwento na sa kanya ni Red. Hindi binabanggit kailanman ni Clayton ang tungkol sa babae. Iyon na rin ang huling buwan ng pagtatrabaho niya rito bilang "private entertainer" nito. Iyon ang bansag niya sa sarili dahil iyon naman talaga ang silbi niya sa lalaki gamit ang katawan niya.

Malaki-laki na rin ang naipon niya. Sa tingin niya ay sapat na iyon para makapagbagong buhay silang mag-ina kapag uuwi na sila ng Olongapo. Hindi pa niya nabanggit sa ina ang plano niya.

Isang buwan na rin mula nang maiuwi niya sa bahay ang inay niya. Nakakakilos na ito nang maayos. Hindi na rin ito hirap sa pagsasalita. Laking pasasalamat niya sa lalaki sa lahat ng naging tulong nito sa kanilang mag-ina.

Mula nang makauwi ang ina niya sa bahay ay sa bahay muna ni Clayton siya inuuwi nito galing sa opisina. Hinahatid lang siya nito sa bahay bago mag-alas onse ng gabi. Sinasabi niya lang sa ina na laging may ov