CARE

Chapter twenty-five

"Putangin—" 

Agad ko siyang siniko nang akma siyang magmumura. Pinanlakihan ko siya ng mata at nginuso si Alexandria na pumapalakpak na nanonood sa Kuya Pogi niyang galit na galit na sa kakabaril sa mga laruang nasa estante.

Marahas na bumuntong-hininga si Cin at mas ginulo ang buhok niya. Kanina pa kami naghihintay dito na matapos siya. Noong una, hindi siya nakatama kaya pinagbigyan namin sa pangalawang pagkakataon pero umabot na ata kami ng dalawang oras kakaantay, wala pa ring nangyayari kaya kating-kati na akong umalis. Ako lang, kasi nag-eenjoy naman ang Alexandria kaka-cheer sa frustrated na niyang Kuya.

"May daya ata 'to, eh?!" Inis na turo niya sa lalaking nagbabantay na umiling-iling lang.

Hinampas ko nga sa balikat. "Tumahimik ka nga. May daya? Baka ikaw 'tong hindi marunong. Akina nga 'yan!" Maarte kong inagaw sa kanya ang baril at hinawi muna ang buhok.

Napatigil naman ang lalaking nagbabantay at n