Chapter 4

Chapter 4

Slap and Kiss

Nakapasok ako sa Cromwell Mall bilang isang saleslady. Kilala ako ng may-ari ng mall kaya nakiusap ako na mananatiling lihim ang aking personal na buhay. Nagmakaawa akong sana tanggapin nila ako bilang isang saleslady sa kanilang mall.

Ito nga, isang buwan na akong nagtatrabaho dito. Masaya ang bawat araw ko dahil may mga totoong kaibigan na ako na alam kong balang araw sila ang makakaunawa sa sitwasyon ko nang walang halong paghusga.

Busy na ako sa pwesto ko nang may dumating na delivery boy.

"Miss, saan ko ilalagay ang mga delivery na ito?" tanong ng lalaki.

Nagkagulatan pa kaming dalawa nang lumingon ako sa kanya. Kita ko ang kanyang pag-ngisi.

"Ikaw?" malakas kong sambit.

"Ako?" sagot naman ng lalaki.

"Sinusundan mo ba ako?" akusa ko.

"Sino ka ba?" tanong naman ng lalaki.

"Anong ginagawa mo dito?" iniba ko ang tanong. Mukhang nakalimutan na yata niya ang eksena noong nakaraang buwan.

"Nagde-deliver lang ako, Miss," ngisi ng lalaki. "Ang sungit mo pala talaga! Long time no see," ngisi ulit nito.

So, naaalala niya ako? Kunwari lang na hindi niya ako kilala. Oh, well, hindi talaga niya ako kilala dahil hindi ko naman sinabi ang pangalan ko. Sa hitsura lang kami magkakilala.

"Nakita na naman kita, buo na naman ang problema ko!" sabi ko at tinalikuran ko na siya. Mahina naman itong tumawa.

"Huwag mong iwan dito ang mga delivery na nakakalat, Miss. Charge sa'yo ang mga ito kapag may nawala ni isa sa mga item," seryosong sabi ng lalaki.

"Bakit kasi dito mo pinunta ang mga iyan? Hindi naman dito ang delivery area. Ako ang pagbubuhatin mo sa mga iyan?" pagsusungit kong sabi.

"Mukha ka na ngang matanda, ang hilig mo pang mainis at magalit. Ngiti naman diyan kahit pilit lang. Para mawala ang wrinkles sa mukha," pang-aasar niya sa akin.

"Hayop!" agad na bulalas ko. Masama ko siyang tinignan. Humalakhak lang naman ang gago.

"Makahayop ka sa akin, akala mo beautiful creature ka!" ganting sagot nito.

"Ngiti na baka magandahan pa ako sa'yo!" ngisi pa nito.

"Hindi tayo close para ngumiti ako sa iyo. Alis na dito, double na ang problema na dulot mo nang makita na naman kita. Bwesit ka!" angil ko. Sinamaan ko pa siya ng tingin. Ngumisi lang naman ito sa akin.

"Ang hilig mo ring magmura, kababae mong tao!" puna niya sa akin.

"Ang hilig mo ring ngumisi, nagmukha ka ng aso!" sagot ko.

"Ang harsh mo na nga, ang hilig mo pa ring magmura!" iiling-iling na sabi nito.

"Sa iyo ko lang ito nagagamit, salamat ha! Never forget ang panghaharang mo sa amin, nahuli sa klase tuloy ang mga bata. Ako ang sinisi nila dahil pag-uwi nila, wala silang reward na star dahil sa'yo!" inis na sambit ko.

Halos kalmutin ko na ang mukha ng lalaking ito. Gwapo naman, kaya lang sobrang inis ako sa pagmumukha niya.

Napatigil ang lalaki na parang may inaamoy sa ere. Nagulat ako nang lapitan niya ako. Napaatras ako ng bahagya, pero hindi siya tumigil sa paglapit sa akin.

"Hoy! Anong ginagawa mo?"

"Stay still," sagot ng gago.

"Siraulo ka!" bulyaw ko.

"Wait lang! Don't move," utos nito.

"Hindi ako tae na sinisinghot-singhot mo! Tangina nito!" sa galit kong tono.

Parang aso itong may sinisinghot-singhot habang papalapit siya sa akin. Ano ba talaga ang trabaho ng lalaking ito? Noong nakaraang buwan, nakita ko siyang nagtatrabaho bilang isang construction worker. Tapos ngayon, delivery boy na. Ano na naman kaya sa susunod na pagkikita namin?

Napasinghap ako nang amuyin nito ang leeg ko. Na-corner kasi niya ako sa gilid, at hindi ko ito mapigilan sa paglapit niya sa akin.

"Your scent smells familiar. I like your smell, I'm so addicted," anas niyang bulong.

Nanigas ako nang lumapit ang mukha nito sa leeg ko, nagtaasan pa ang balahibo ko sa katawan ng dumampi ang ilong sa leeg ko. Naramdaman ko ang pagsamyo nito doon na nagpakilabot sa buong katawan ko.

Dahil sa hindi ko na mapigilan ang sarili, tinulak ko siya sabay sampal. Napasinghap ang ibang mga katrabaho ko sa ginawa ko.

"Manyak ka! Siraulo!" sigaw ko sa kanya.

"I'm just smelling you! Manyak na kaagad?" seryosong tanong ng lalaki sa akin.

"Anong tawag mo sa ginagawa mo sa akin? Bakit aso ka ba na amoy-amoyin mo ang leeg ko? Pagkatapos, ano? Sasakmalin mo, ang leeg ko? Gago!" galit na sambit ko.

Ngunit ang hindi ko napaghandaan ay ang hilain nito ang batok ko. Mabilis at mapusok na halik sa labi ang ganti ng gagong lalaki. Itinikom ko ng mariin ang labi ko, pero kinagat niya ang ibabang labi ko kaya napasinghap ako. Mas pinailalim pa nito ang paghalik sa akin.

"Uhmp!" hampas ko sa ulo niya. Siraulo ba ang lalaking ito?

Gumawa na naman ng eskandalo ang damuho! Kinurot ko siya sa tagiliran dahilan para mabitawan niya ang labi ko.

Sinampal ko ulit siya sa pisngi. "Wala kang karapatan na basta mo na lang ako halikan!" tumakbo ako palayo sa department store kung saan ako nakapwesto.

"Gumanti lang ako sa pananampal mo sa akin, Miss?" sigaw niya para marinig ko siguro. Pero hindi ko na siya pinansin pa.

"Bwesit siya! Gago siya! Anong karapatan niyang halikan na lang ako ng ganu'n na lang. Lintik!" masamang loob na sambit ko.

Kakabago-bago ko pa lang dito, baka mamaya tanggalin ako ni Tita Belen dahil sa kapangahasan ng lalaking iyon.

"Tangina niya, eh!" mura ko na naman sa inis sa gagong iyon. Baka isa na ako sa tampulan nila ng chismis dito sa mall.

Ano kaya ang pangalan ng gagong iyon para maipakulam ko nga siya? Yung gigil at inis ko abot hanggang langit. Bwesit!

Nagtungo ako sa toilet at dito ko pinakalma ang sarili ko. Naghilamos at nagmumog ako. Mahimasmasan pa ako nang mabasa ko na ang mukha ko.

Napahaplos ako sa dibdib ko dahil kanina pa malakas ang tibok. Kakaibang tibok na hindi ko mapangalanan.