Chapter 8 CRAVING

NAHINTO SA PAGSUBO si Khaira nang marinig ang sunod-sunod na pagkatok. Masama niyang sinulyapan ang pintuan. Kung sinuman ang nasa labas ay talagang makakatikim sa kanya. Kapag ganitong gutom siya at masama ang loob ay wala dapat umiistorbo sa kanya.

"Senyorita, pinapatawag na po kayo ni Senyorito," boses mula sa labas. Napairap na lang siya sa hangin. Tumayo siya saka nagtungo sa may pintuan.

"Bakit daw po?" Bungad niyang tanong pagkabukas ng pintuan. Natigilan pa ang isa sa mga katulong na hindi na nga niya maalala kung ano ang pangalan dahil sa dami ng katulong sa mansion na 'yun.

"Ah, pi-pinapatawag po kasi kayo ni Senyo—"

"Sabihin n'yo po sa kanya na ayokong sumama sa kanya. Pwede na po siyang umuwi mag-isa," pagkasabi niya no'n ay tinalikuran na niya ito hindi na niya hinintay ang reaksyon ng pobreng katulong na mukha sumalo sa init ng ulo niya.

"Si-sige po senyorita," narinig niya pang tugon nito bago tuluyan umalis.

Bumalik siya sa pagkakasalampak sa may carpet at binalikan