CHAPTER 19

GABRIEL

Nasa labas siya ng bahay kasama ang Lolo Hernard niya. Umiinom ito ng beer habang nakatanaw sa malawak nitong hacienda. Matagal na rin na hindi sila nakapag-bonding dahil sa abala ito sa trabaho nito. Simula bata pa siya sa edad na sampo ay palagi silang magkasama ng Lolo niya na namimingwit ng isda, mangangabayo o di kaya ay drug race na kahiligan na niya. Dahil sa Lolo niya ay hindi siya nakaramdam ng mag-isa. Hernard Espinosa Donovan ay ang ama ng kanyang ama na si Ariel Gonzaga Donovan. Si Lolo Hernard lang ang tumayo bilang magulang niya dahil ang mga magulang niya ay abala sa negosyo sa England. Uuwi ang mga ito sa Pilipinas, tatlong beses sa isang taon o minsan nga ay hindi makauwi dahil sa business trip. Sa edad na dose ay kinuha siya ng kanyang mga magulang upang mag-aral sa labas ng bansa. Napagdesisyon kasi ng mga magulang niya na sa England na lang sila manunuluyan dahil sa negosyo na dapat ng mga itong pagtuunan. Lumago ang negosyo nila Papa’t Mama sa sikap