CO 41:

•Clyden•

"Of course." Ang dalawang salitang iyon at ang nakangiti niyang mukha ang nagpabalik sa normal kong paghinga. "Bakit gan'yan ang itsura mo? Masama ba ang pakiramdam mo, Clyden?"

Inilingan ko siya at niyakap nang mahigpit. "Akala ko kasi hindi ka sasama sa akin." Inilayo niya ako saglit sa kanya at marahang pinitik ang aking noo.

"Hindi ko alam kung bakit mo ako dadalhin doon kahit wala naman akong kaalam-alam sa negosyo ninyo, pero may tiwala ako sa'yo, Clyden. Alam kong hindi mo ako pababayaan."

Tumango ako at pinisil ang kanyang kamay. Hinawakan ko ang kanyang batok at hihilahin sana siya papalapit sa akin para gawaran siya ng halik nang tinawag siya ng direktor niya. May ipapatulong yata sa isang scene, nakagat ko ang aking labi sabay kamot sa aking mukha bago bumalik sa pwesto ni Krauss.

Natatawa ito habang nakatingin sa akin