CHAPTER 08

Dumaan ang anim na oras, ngayon ay Alas-syiete na ng gabi. Maaga natapos ang klase ni Savannah kaya ngayon naisipan niyang pagbigyan si Lianna sa kagustohan nito.

Ngayon, kasalukuyan niyang hinihintay si Lianna habang nakaupo sa harap ng sariling sasakyan. Habang wala pa si Lianna ay naisipan niyang itext si Aron.

"Aron, matapos ang klase mo, dumiretso ka sa Juicy Club. May gagawin pa 'ko kaya hindi muna kita masasamahan ngayon. Kung anong malalaman o makikita mo, sa bahay na lang natin pag-usapan."

Walang reply agad si Aron pero naiintindihan nya dahil baka nasa klase pa ang binata.

Luminga-linga muna siya sa paligid para libangin ang sarili. Pero tumigil ang mata niya sa isang grupo ng kalalakihan na nasa malayo. Nang magtama ang mga mata nila ni Jax ay mabilis namang nag-iwas ng tingin sa kaniya ang binata.

Makaraan ang ilang minuto ay napatingin si Savannah sa tumawag ng pangalan nya. Si Lianna ito na mabilis ang lakad papalit sa kanyang direksyon.

"Wow!" pagkamangha ni Lian