CHAPTER 17

Napatingin ako sa kaniya. “Bakit mo pala ako hinahanap?” Takang tanong ko.  

“Binilin kasi ni Sir Zeke sa akin na ilibot ka sa hasyenda.” Nagkunot ako ng noo. Nanatili pa ring nakapako ang titig ko sa kaniya. 

“Oh ba't parang nagtataka ka? Hindi ba binanggit sa ‘yo ni Sir Zeke ang tungkol doon?” Mataas ang tono ng kaniyang pananalita nang sabihin iyon. Umalingaw-ngaw na naman sa buong lugar ang matinis at masakit sa tengang boses niya.

Nagpa-iling-iling ako. “Hindi pa, siguro nakalimutan lang niya.” Pilit akong ngumiti.

Hindi nga niya sinabi pero alam kong gagawin niya ang mga ito, siya kasi ‘yung tipong tao na laging gusto ay preparado. Iyung ayaw na napapahiya at nagkakamali.

Hindi kasi naging maganda ang unang punta ko sa hasyenda niya lalo pa't may mga narinig akong usap-usapan. Iyung hindi pa nga nila ako ganoong nakikilala gano'n na ang trato nila, ano pa ‘yung malaman nila na hulog na hulog na sa akin ang amo nilang si Ze