Chapter 16

Naranasan mo na bang dumalo sa isang networking seminar? 'Yong tipong may isang gwapong nilalang ang nag-aya saiyo na magkape sa isang coffee shop, kinikilig ka na dahil akala mo ay date, iyon pala ay aalukin ka lang na mag-invest.

Ganitong-ganito ang nararamdaman ko ngayon habang kaharap si Zid. Nakaupo ako sa couch samantalang siya naman ay sa single sofa, dito sa kan'yang unit. Sa center table ay nandoon ang isang nakatuping d'yaryo na pamilyar ang itsura sa'kin.

"This is The Veracity's tabloid, it exposes businessmen and politicians na gumagawa ng iligal na bagay, such as corruption, drugs, any illegal activities. Hangga't may larawang kuha bilang ebidensya ay mailalathala sa tabloid na ito. That will be your job. You will be an undercover photographer of our organization," panimula ni Zid.

"Wait. Wait lang. Time first," hindi ko masundan ang mga sinasabi niya. "Ibig mo bang sabihin ay pa-sekreto kong kukuhanan ng larawan ang mga politiko o negosyante na