Chapter 40

Sa ilalim ng liwanag ng mga bituin ay ang mapayapang gabi. Ito ang paborito kong oras. Kapag napalitan na ng buwan ang araw ay hudyat na ng pahinga para sa buong magdamag na pakikipaglaban natin sa buhay.

Pero ang gabing ito ay iba.

Lumingon ako kay Harrieth nang bitiwan niya ang braso ko at pinauna ako sa paglalakad patungo sa lamesa na nasa gitna ng roofdeck. Mayroong multo ng ngiti sa kan’yang mga labi at para bang excited siya sa kung saan ay wala akong ideya. Sinenyasan niya akong maglakad na, kaya kahit nag-aalangan ay iyon ang ginawa ko.

Huminto ako sa tabi ng mesa na maganda ang set-up. Sa gitna nito ay mayroong isang bulaklak na nakalagay sa vase at kandilang nasa isang babasaging lalagyan. Kung mahangin lamang dito katulad nang nakaraang pagpunta ko ay baka natumba na ito.

Para akong nasa isang romantikong lugar dahil napapalibutan ng dimlights na nakapaloob sa isang tila baso ang kinatatayuan ko ngayon.Walang ibang tao sa lugar kun’di kami