Chapter 13: Way To Go!

NIKITA

Dahil nagyaya si Terrence na bisitahin ko raw ang resort na pinapaggawa nila ay pumayag na ako. Wala rin kasi akong maggawa sa bahay kung kaya't naisipan kong isama si Mara. Magkakilala na si Mara at Terrence kaya pumayag na rin ang kaibigan ko. Nabanggit din kasi ni Terrence na pwede kaming maligo sa dagat kung gusto namin kaya nagdala na rin ng damit pangligo si Mara.

Bumalik ng America si Hanz para asikasuhin ang monthly report niya sa mga investors nila tungkol sa pinapaggawa nilang hotel dito sa Pilipinas kaya wala siya rito ngayon. Pero sabi niya ay uuwi rin siya mamaya bago ang graduation ko para makita niya raw akong sinasabitan ng medalya. Biniro ko nga na bigyan ako ng foreigner pag-uwi, sinagot lang ako na sarili niya nalang daw ang ireregalo niya sa 'kin.

"Girl, baka maging third wheel lang ako sa love team niyo kaya naisipan kong isama ang kapatid ko, okay lang ba kay Terrence?" Tanong niya sa akin habang nag-aayos na ko ng gamit dahi katatapos lang ng practice na