CHAPTER 10: COLLIDE

WHEN THE STARS COLLIDE, like you and I, no shadow blocks the sun. Sumakay kami ni Jossel ng tricycle pagkatapos naming maglakad palabas ng subdivision. Tirik na tirik ang araw at nakalimutan pa namin ni Jossel na magdala ng payong. Medyo nasisilaw nga ako. Mabuti na lang at hindi kami napansin ng mga anak kong triplets dahil paniguradong mas gugustuhin ng mga iyon na maglaro na lang sa gitna ng daan kahit na tirik na tirik ang sikat ng araw.

“Grabe! Parang natusta ako ro’n, ha? Sayang ang Papaya Soap ko sa tindi ng sikat ng araw. Bakit kasi hindi mo ipinaalala sa akin na magdala pala dapat tayo ng payong? Daig ko pa ang tinutukan ng spotlight kahit alam ko sa aking sarili na mukha akong artista. I’m born to be a superstar, but it was only just a dream,” paghihimutok ni Jossel.

Nagpunas ako ng aking pawis gamit ang likod ng aking kamay habang tumatawa sa kalokohan ni Jossel. Mabuti na lang at mabilis ang pagharurot ni Manong sa kaniyang tricycle kaya’t medyo nahahanginan ako kahit pap