CHAPTER EIGHTEEN - KILL IT WITH FIRE

“Nagkita na ba kayo ni Leighton?”

Para siyang binuhusan ng malamig na tubig. Paano nalaman ni Tita Belen ito?

Nasabi ng amiga ko sa simbahan kanina na kumanta ka raw ng Responsorial Psalm kanina at si Leighton ang piyanista. Maganda daw.” kwento ni Tita Belen sa kanya. Hindi nakasagot si Ali sa tanong ng kinikilala niyang ina. “Alissa, malaki ka na. Nasa husto ka nang gulang. Kung may gusto ka sa ama na anak mo, go lang. Kailangan din ni Ethyl ng daddy na masasandalan at sana mahal ka talaga ni Leighton.”

“Mom – “ sasagot pa sana siya nang naputol na ang tawag.

Ito na yata ang sign na hinintay niya. Ngunit wala siyang balak na sabihin kay Leighton ang lahat. Hindi pa nga siya sigurado kung ano ang magiging reaksyon ni Leighton na tinago niya si Ethyl nang ilang taon. Lalo na, may pinagdadaanan si Leighton ngayon.

*****

“P’re, sa next month na po ang resulta ng paternity test.”

Suminghap si Leighton. Bakit aabutin pa ng buwan ang resulta kung pupwede namang makuha ‘yun nang mabilisan?