CHAPTER 51

Nagising ako dahil sa pagtapik ng kung sino sa pisngi ko.

"Nandito na tayo," ani Josh kaya kinusot-kusot ko ang aking mga mata.

Tiningala ko siya mula sa pagkakasandal ng aking ulo sa kanyang balikat. Sinalubong naman niya ang mga mata ko. Sa tingin niyang iyon ay pakiramdam ko talagang may mangyayaring kakaiba.

Umayos na ako ng upo saka inilibot ang aking paningin sa loob ng bus. Doon ko lang napagtantanto na kami na lang ang natitirang nasa loob. Pagkasilip ko sa bintana ay bumungad sa akin ang arko ng university.

Magkahawak-kamay kaming lumabas ng bus. Ngunit binitawan niya rin iyon nang may matanaw akong isang pamilyar na lalaki habang kumakaway siya sa akin.

"S-sean?" nauutal ko na lang naibigkas ang pangalan ng taong matagal ko na ring hindi nakikita.

Malapad ang ngiti ni Sean habang papalapit sa gawi ko ngunit nang mabaling ang tingin niya sa katabi ko ay bigla siyang naging seryoso.

"Bumalik ka na sa kanya."

Sa sinabing