Kabanata 7

Kabanata 7: Operasyon

Magulo ang buong ospital dahil kay Sydney, pero si Daisy ay tila nawalan ng ulirat. Para bang ang naririnig na lang niya ay mga yabag at sigawan. Wala na siyang makita o marinig nang maayos.

“Ma’am Daisy? Ayos lang po ba kayo?” tanong ng doctor at Iwinagayway ang kamay sa harap niya.

Saka lang siya natauhan at tumingin sa doktor. Biglang bumalik ang kanyang ulirat

“Kumusta na ang anak ko?” kinakabahan na tanong niya sa doctor ng anak niya.

“Sa ngayon ay stable siya, pero bigla pong lumala ang kondisyon niya. Mas lalo po naging delikado ang kanyang sitwasyon at kailangan muna niyang manatili sa ICU. Kapag naging maayos na ang vital signs niya, doon pa lang natin malalaman kung pwede siyang operahan.” sagot ng doctor sa kanya.

“Ms, Hernandez sa kalagayan ng bata ngayon, ang operasyon…” Hindi na ipinagpatuloy ng doktor ang sasabihin, pero alam na ni Daisy ang ibig sabihin— na baka wala na ring saysay ang operasyon at baka lalo lang pahirapan ang bata.

Pero hindi niya kayang tanggapin iyon. Hindi niya matanggap na mawala na lang basta ang anak niyang pinakamamahal. Kahit gaano kaliit ang pag-asa, hindi siya sumusuko.

“Naunawaan ko. Salamat, Dok.” aniya at tumalikod sa doctor. Pagkatalikod niya, bigla na lang bumagsak ang kanyang mga luha. Pinunasan niya agad ito, pero lalo lang dumami. Napaupo siya sa sahig, niyakap ang sarili at napaiyak nang todo. Doon lang niya lubusang naramdaman ang ibig sabihin ng sakit at kawalan ng pag-asa.

Suot ang makapal na sterile suit, umupo si Daisy sa tabi ng kanyang anak. Maputla at parang wala ng buhay ang mukha ni Sydney. Kahit puno ng tubo ang katawan ng bata, ramdam pa rin ni Daisy na unti-unti nang nawawala ang buhay ng kanyang anak.

“Sydney, patawad anak. Kasalanan ni Mommy ang lahat. Sana hindi na lang ako umibig sa kanya.” Binalikan ni Daisy ang nakaraan, puno ng pagsisisi ang puso niya. Kung hindi lang siya umibig kay Kent, kaya bang ipanganak si Sydney sa paraang gusto ng ama niya?

Napakabait na bata ni Sydney… siguradong mamahalin siya ng daddy niya kung ibang tao lang ang mommy niya.

Dahil lang sa pagkakamali na magmahal sa maling tao, si Sydney ang siyang nagbabayad.

Hinawakan ni Daisy ang maliit na kamay ni Sydney. Palagi niyang nararamdaman na parang gustong sabihin ng anak niya ang kung anong nasa loob nito. Habang hawak niya ang kamay ng ANAK niya ay biglang nag-vibrate ang cellphone sa bulsa niya. Tiningnan niya ito, saka mabigat na lumabas ng ICU.

Paglabas niya, humarap siya sa isang lalaking naka-amerikana. Bumigat ang pakiramdam niya. Kilala niya ang taong ito— ang legal officer ni Kent at isa sa pinakamagaling na abogado.

“Attorney Yu, bakit po kayo nandito?” Pilit na pinakalma ni Daisy ang boses niya para hindi halata ang kahihiyan.

“Ipinapadala po ako ni Mr. Hernandez para pag-usapan ang kasunduan niyo sa annulment. Yung kasunduan niyong nauna, labag po sa batas, kaya walang bisa. Kailangan na po natin itong ayusin.” Inabot ni Attorney Yu ang annulment agreement na dala niya.

“Pwede pa naman pong pag-usapan ang mga kondisyon. Sana lang huwag nang maging matigas ang ulo ni Ms, Daisy.” 

Matigas ang ulo? Walang pagsisisi?

Natatawa na lang si Daisy. Hindi ba’t matagal na siyang naging matigas ang ulo?

Kung hindi lang siya naging matigas noon, baka hindi umabot sa ganito. Ang pag-ibig niya kay Kent ay mali mula’t simula.

“Sabihin mo sa kanya, wala akong hihilingin kundi ito lang.”

“Kung hindi niya ibibigay, pwede tayong matagalan sa kasong ito. Hindi ako papayag sa ibang kondisyon.” Pinanatiling matatag ni Daisy ang paninindigan niya at malamig siyang tumingin sa abogado.

“Ms. Dasiy, wala pong saysay ito. Sa totoo lang, napakagandang alok na po ang binigay ni Mr. Hernandez. Ang kasal na walang pagmamahal ay walang kahulugan.” Umiling si Attorney Yu, at sinubukang kumbinsihin siya.

Oo nga, sa paningin ng lahat, deserve ni Daisy ang kahahantungan niya. Halos lahat ay alam na hindi siya mahal ni Kent.

Pero ngayon, hindi na mahalaga kung mahal pa siya ni Kent o hindi. Ang gusto lang niya ay magkaroon ng kahit konting malasakit ang ama ng bata sa mga huling sandali ni Sydney Kahit kunwari lang.

Pero tila hindi niya makukuha kahit iyon.

“Klaro na ang paninindigan ko. Pasensya na, may aasikasuhin pa ako.” Tumalikod si Daisy at bumalik sa ICU.

Habang si Sydney ay patuloy na nakikipaglaban sa pagitan ng buhay at kamatayan, ang ama naman niya ay abala sa pagpapadali ng annulment para makalaya na siya. Si Pearl lang ang laman ng puso nito. Siya at ang anak niya ay tila walang halaga.

Sa puntong ito, muling nadurog ang puso ni Daisy. Tahimik siyang umiyak habang pinagmamasdan ang anak niya.

Samantala, agad namang tumawag si Attorney Yu, kay Kent.

“Alam ko nang hindi siya papayag.” Umiling si Kent at napangisi nang may halong inis.

“sir Kent, nakita na naman po si Ning Haitao. Baka nanghihingi ulit ng pera kay Maam Daisy.” Ani ni secretary Khym ng pumasok ito sa loob ng kanyang opisina. 

“Pera? Nangangarap siya!”

“Pati na ang lahat ng bank card ni Daisy, ipa-block mo na. Tingnan natin kung paano pa siya makakapanggulo kapag wala na siyang pera.” Walang emosyon ang mukha ni Kent, at para bang ordinaryong utos lang ito sa kanya.

Sa paningin niya, isa lang si Daisy sa mga babaeng mukhang pera. Kapag naubusan na ito ng pera, tiyak na kusa na itong papayag sa annulment nila.

Ni katiting na awa, wala si Kent para sa babae

Dito naman sa ICU, patuloy na lumalala ang lagay ni Sydney. Sabi ng doktor, kung hindi siya maoperahan agad, baka hindi na siya umabot ng gabi.

“Operahan na natin siya!”

Walang alinlangan na sabi Daisy. Kahit hindi niya alam kung hanggang kailan pa mabubuhay si Sydney matapos ang operasyon, bilang isang ina, hindi niya kayang panoorin na unti-unting mawala ang anak niya!