Chapter 145

HINAWI ni Katherine ang kalat sa desk saka nilabas ang hinandang paperworks. “Maghilamos ka muna’t sipilyo, saka mo ‘to sagutan.”

Inis na napangisi si Gab. “Inuutusan mo ‘ko?”

“Hindi pero kung gusto mong ganyan ang itsura mo habang tinuturuan kita, okay lang.”

Napakunot-noo si Gab saka tiningnan ang sarili sa salamin. Napanganga siya nang makitang may kaunting bakas pa siya ng laway sa labi at muta sa mata. Sobrang gulo ng buhok at mukha siyang ewan ng mga sandaling iyon.

Namula ang pisngi niya sa hiya at gustong sumigaw sa inis.

“Tititigan mo na lang ba ang sarili mo sa salamin? Kumilos ka na’t sayang ang oras,” ani Katherine.

Mabigat ang mga paa na pumasok sa banyo si Gab saka naligo ng isang oras. Paglabas ay ang nakataas na kilay ni Katherine ang bumungad habang nakahalukipkip.

“Nananadya ka ba talaga? Isang oras ka sa loob.”

Napangisi si Gab. “E, sa gano’n ako katagal maligo, pake mo ba? Lumabas ka nga at magbibihis ako.”

Nanatili ang nakataas na kilay ni Katherine saka hinagod n