Chapter 55

Elara

Nagulat ako nang paggising ko sa umaga ay katabi akong lalaki sa kama kaya bigla akong napasigaw ng malakas at binigyan ng sampal ang lalaking katabi ko. Kagigising ko pa lang at medyo malabo pa ang mga mata ko kaya hindi ko agad nakilala na si Alexander pala ang lalaking nakahiga sa aking kama.

Nang sa wakas ay nakilala ko siya ay bigla naman akong umusog palayo sa kanya. Kasi bakit siya nakahiga sa kama ko?

"Bakit ka nandito sa kama ko? May balak kang masama sa akin?" masama ang tingin na tanong ko sa kanya. Biglang niyakap ko ang aking sarili dahil manipis na pantulog lamang ang suot ko.

"Sana tinanong mo muna ako kung bakit nakahiga ako sa kama mo, hindi iyong bigla mo na lang akong sasampalin," naniningkit ang mga matang sagot ni Alexander habang hawak ang nasampal nitong pisngi.

Nakaramdam ako ng guilt dahil tama naman siya. Nagtanong sana muna ako bago ako nanampal sa kanya. Wala naman siyang ginawang masama sa katawan ko dahil kung meron at tiyak na mararamdaman ko p