Chapter 1

Andrea's POV

Nagising ako sa lakas na pagkakalampang ng pinto sa labas ng aking kwarto. Rinig ko mula rito ang sigaw ng kapatid ko. Late kasi akong natulog dahil sa pagiisip kung saan ako kukuha ng pera para makapag-enroll ngayong sem na ito. Isang taon na lang, matatapos ko na ang pag-aaral ko.

"Ate, gising na! Malate na ako," sigaw nito na ikinatigil ng pagiisip ko kaya dali-dali kong pinagbuksan ito. Kita ko na naiinis na ito kaya binilisan ko ang galaw ko.

"Ate, ala sais na malalate na ako sa school, wala pang almusal at wala pa akong baon. Si lolo't lola maagang umalis, namasada na si lolo at si lola naman nasa palengke na. Bilin niya gisingin kita," mahabang sabi nito.

"Oh! Sige na po, mahal kong prinsepe, maligo ka na at pupunta ako kila Aling Marites para umutang ng almusal natin at babaonin mo," pabirong sabi ko na ikinatango nito.

"Ang cute talaga ng kapatid ko," pahabol kong sabi rito na ikinataas naman ng nguso nito.

Nang matapos kong iprito ang itlog ay nakabihis na ito, kaya sinabayan ko na ito, at pagkatapos chineck ko ang bag at nilagay ang baon nito.

"Tara na! Idadaan nalang din kita sa school mo dahil dederetso ako sa palengke para tumulong kay lola," wika ko. Habang naglalakad kami ng kapatid ko, nakita ko si Jandy, ang kaibigan kong bakla, na nakalingkis sa jowa nito ng tawagin ako.

"Bes! Kamusta iyong pinagtatrabahoan mo? Ang balita ko nagsara daw?" Malanding sabi nito na ikinalungkot ko dahil totoo naman talagang nagsara na ito.

"Uy! Bes, totoo yun, kaya nga ang laki ng problema ko kung saan ako kukuha ng pantustos sa pag-aaral ko," sabi ko na ikinataas ng kilay nito.

"Ganito! May alam ako, kung gusto mo lang?" sabi nito at bumaling ng tingin sa kapatid ko.

"Oh! Sige bes, mamaya nalang," wika ko rito dahil kita sa mukha ng kapatid ko na naiinis na ito.

Pagkatapos kong idaan ang kapatid ko sa school niya dahil hindi naman kalayuan ito sa bahay namin, dumeretso na ako sa palengke para tulungan ang lola ko. Nasa bungad palang ako, sigaw na ng mga tao ang naririnig ko, ang mga pang-iinganyo sa mga paninda nito at ang siksikang maputik na daan na nilalakbay ko. Malayo palang, nakikita ko na sa dulo ang lola kong naghihiwa ng isda habang may kinakausap na customer, bakas ang pagod at puyat nito dahil laging maaga itong umaalis ng bahay.

Matanda na ang lola ko pero kahit mabigat na trabaho ay kayang kaya pa rin nito, mula noong na ulila kami sa ama't ina ng kapatid ko natoto na akong dumeskarte dito, ang palengke ang humubog sa akin para mabuhay at makapagtapos mula elementary hanggang high school at kahit ngayong patapos na ako sa kolehiyo malaking parte pa rin ng palengking ito ang nakatulog sa akin, dahil 13 years old lang ako at sanggol palang ang kapatid ko nang mamatay ang mga magulang namin dahil na accidente ang mga ito,isang taxi driver ang tatay ko at sakay nito ang nanay ko, pauwi ang mga ito at sa kasamaang palad wala ni isa sa mga ito ang nakaligtas kaya kinuha kami ng lolo't lola ko at sila na ang tumayong magulang sa amin ng kapatid ko.

"La, ako na jan," presentang sabi ko.

"Oh!?? Bakit ka andito?? Akala ko ngayon ang punta mo sa university para mag-enroll? Wala ka bang pera?" Sunod-sunod na tanong nito.

"La, wag munang isipin iyan sa next week pa naman ang pasukan, kaya kong hanapan iyan ng paraan, at la, ako na ang bahala sa sarili ko, malaki na po ako," paliwanag ko rito.

"Anding apo, gusto kong makatapos kayo sa pag-aaral ng kapatid mo, diba? Isang taon na lang makakatapos ka na, kaya namin ng lolo mo igapang kayo upang makatapos lang, dahil iyan ang ipinangako ko sa mga magulang niyo noon, kaya sana wag mong balewalain apo," mangiyak-ngiyak na wika nito. Naiintindihan ko naman ang lola ko; malaki na ang sakripisyong pinagdaanan nito kaya pinapangako ko sa sarili kong magtatapos ako kahit anong mangyari.

"Lola wag po kayong mag-aalala. Pangako gagawin ko ang lahat makatapos lang ako, okey?? Diba nga nakaya ko ang 1st year to 3rd year sa kolehiyo kaya walang rason na hindi ako makakapagtapos," sabi ko na ikinangiti nito.

"Oh! Sya! Sige na po, wag na kayong mag-alala," sabi ko ulit dito at ipinagpatuloy na ang ginawa ko, kahit ang bigat sa dibdib ko ang lahat ng sinasabi ko, kung alam lang nito na wala na akong trabaho dahil nagsara ang restaurant na pinagtatrabahoan ko.

Buong maghapon din kaming nagtindi ni lola, at awa ng diyos, malaki ang binayad ng may-ari ng isdaan sa amin dahil sa dami ng aming nabenta. Alas otso na ng gabi ng makauwi kami, habang papasok sa amin sa looban nakita ko ang aking kaibigan na si Jandy kaya pinauna ko na ng umuwi si lola dahil kailangan kong makausap si Jandy tungkol sa aming pinag-usapan kasi ayun rito, may alam daw itong trabaho kaya nilapitan ko ito.

"Uy! Bes, tungkol don sa sinabi mong racket? Pwede ba ako don?" sabi ko.

"Bes, sigurado kana ba talaga sa desisyon mo? sabi nito habang pinapasadahan ako ng tingin mula paa hanggang ulo.

"Kailangan kong makahanap ng mapapasukan na trabaho dahil sa susunod na linggo na ang pasukan," sabi ko at lumapit naman ito.

"Sigurado ka?? Sige, magkita tayo bukas ng gabi sa labas ng club na pinagtatrabahoan ko," bulong nito.

"Sige ba? Kailangan niyo ba ng waiter don? Magaling ako, dahil sa restaurant ako nagtatrabaho dati, diba?" wika ko.

"Gaga! Hindi! Diba? Gusto mong makatapos, diba? Sa tingin mo ba malaki ang pinapasahod sa mga waiter sa club namin? Syempre hindi!!!!" Malditang sabi nito na ikinalito ng utak ko.

"Huh? Eh!! Ano?" Tanong ko

"Bukas ng gabi may pa-game ang club namin; may mga mayayamang negosyo ang pupunta at pwedeng sumali ang lahat kahit tulad mo basta maganda pwede! At babayaran ka nila ng 180k once mapili ka at ang tanging gawin mo lang ay samahan ang lalaking pumili sayo," mahabang paliwanag nito.

"Sasamahan lang ba? O may iba pa gagawin?" Tanong ko na ikinatahimik nito.

"Sa pagkakaalam ko iyon ang rules pero kung may iba pang ipapagawa sayo ede magpadagdag ka," anito na ikinatulala ko.

"Oh! Game? Isang beses mo lang gawin iyon at sakaling makuha mo ang 180k, oh diba? May panggasto kana para sa tuition f*e mo," sabi nito. Gusto kong magsalita pero ayaw lumabas ng boses ko, at the same time na-iinganyo ako sa halagang makukuha ko.