Chapter 70

Andrea's POV

Umabot ng isang oras ang pamamalagi ko sa loob ng Cr. Sa isip ko gusto Kong lumabas dahil baka mas lalong magalit si sir Tyron sa ginawa ko, pero iyong mga paa ko ayaw namang magsigalawan nito. Wala ng mga luha ang lumalabas sa mga mata ko at tanging pagsinok ko nalang ang pinapakalma ko.

Tumayo ako para maghilamos at baka sakaling maibsan ang pamamaga ng mga mata ko. Nang medyo sa tingin ko kaya ko ng lumabas at humarap kay sir Tyron inayos ko na ang sarili ko. Kinakabahan na naglalakad ako papunta sa table ko. Tinitingnan ko pa muna kung may tao ba at kung bukas ang pinto ng office nito. Nakahinga ako ng maluwag ng makitang walang tao.

"Where have you been?" Isang baritonong na boses ang nagpaigtad sa akin. Nilingon ko agad kung saan nanggagaling ang boses na iyun at nakita kong galing ito sa gilid ko. Nakatayong nakapamulsa si sir Tyron. Kung kanina parang tigreng gutom ang hitsura nito, ngayon para namang isang maamong tupa na nakatingin ito sa mga mata ko.