CHAPTER 21

Brenna's POV

"Girl, tama na 'yan. Baka magkatotoo na malasing ka talaga. Paano ka makaka-score niyan kay Trevor mamaya?"

Isang buntong hininga ang pinakawalan ko. Tumingin ako sa relo ko. Halos mag-iisang oras na akong naghihintay dito sa bar ni Cheska at hanggang ngayon ay hindi pa rin dumadating si Trevor. Naiinip na ako kaya napapadalas ang pag-order ko ng alak. Medyo nahihilo na nga ako pero alam kong kaya ko pa naman.

"Why is he taking so long?" iritableng sabi ko.

"E sure ka bang pupunta siya? Baka mamaya naghihintay lang tayo sa wala," baritonong sagot naman ni Cheska.

Mabilis akong umiling. "Kahit malamig sa akin ang lalaking 'yon, alam kong hindi niya ako matitiis. Wala pang tumatanggi sa akin, no!"

"Alam mo, lasing ka na. Ihahatid na kita sa inyo," sabi pa ng kaibigan ko.

Nang akmang kukuhanin niya ang kamay ko ay mabilis akong umiwas. "No. Hindi ako aalis dito hanggang hindi si Trevor ang kasama ko," sabi ko pa.

"Brenna, naririnig mo ba ang mga sinasabi mo?" hindi makapaniwa