CHAPTER 25

Emerald's POV

"Hija, bumalik ka doon at humingi ka ng tawad sa kapatid at Papa mo upang hindi ka na paalisin ng bansa," umiiyak na sabi sa akin ni Nanay Linda.

Marahan akong umiling. Tinulungan ako ng driver na ilagay sa sasakyan ang dalawang maleta na naglalaman ng mga gamit ko habang ako ay nakatayo lamang sa labas ng bahay.

"Ano po bang inimbentong kwento ni Brenna?" imbes ay tanong ko kay Nanay Linda.

Galit na galit si Papa kaya imposibleng walang ibang sinabi si Brenna. Buong akala ko ay isusumbong lang niya ako tungkol kay Trevor ngunit tila nagkamali ako. Ayokong itakwil ako ni Papa, ngunit ayoko rin namang umalis ng bansa dahil hindi ko maisasagawa ang mga plano ko. Kaya ngayon ay nagdadalawang isip ako kung anong gagawin ko.

Hindi ko kasama si Trevor. Inihatid lamang niya ako at hindi ko muna siya pinayagan na humarap kay Papa. Pumayag naman siya sa kahilingan ko kaya nang maihatid niya ako ay umuwi na rin siya agad.

"May inilagay ka raw na kung ano sa inumin ni Brenna kagabi