CHAPTER 59

Emerald's POV

"Tatawagan ko si Lola Mirasol para ipaalam sa kaniya ito," nakangiting sabi ni Trevor nang makasakay na ulit kami ng kotse niya.

"Trev, pwede bang huwag muna?" alanganing tanong ko naman.

Biglang nawala ang ngiti ni Trevor. "Bakit?"

Inilagay ko ang kamay ko sa tiyan ko at saka nagpakawala ng malalim na buntong hininga. "Ayokong ipaalam muna sa kahit na sino. Natatakot akong baka ang anak natin ang pagbalingan nina Brenna. Ayokong mapahamak siya," naiiyak kong sabi.

Lumapit sa akin si Trevor at masuyong hinalikan ako sa noo ko. "Naiintindihan ko, Emerald. Alam kong selfish ang naiisip ko pero what if lumayo ka muna? Sumama ka muna kay Lola papunta sa ibang bansa. Ako na muna ang bahala dito."

Mabilis akong umiling. "Hindi kita iiwan, Trevor. Ayoko."

Tumitig siya sa akin at ilang saglit pa ay bumuntong hininga siya. "Okay sige. Pero mas mabuti siguro kung umalis ka na sa trabaho mo. Hindi kita mababantayan lagi, Emerald. Mas makakabuti rin kung sa mansion na tayo tumira. At