CHAPTER 4

BLYTHE JULIANNA (ACE)...

Pagkatapos n'yang magbihis ay agad n'yang kinuha ang susi ng kan'yang sasakyan at lumabas ng silid.

Deritso s'yang lumabas ng kan'yang penthouse at tinungo ang elevator. Walang katao-tao sa palapag na iyon dahil exclusive lamang iyon para sa kan'ya at sa pamilya n'ya. At nagtataka s'ya kung paano nakaakyat sa taas si Luke.

May special key card ang kan'yang pamilya at kapag wala ang special key card na ito ay walang makakaakyat sa taas dahil hindi gagalaw ang kan'yang private elevator.

Kaya palaisipan sa kan'ya kung paano natunton ng lalaki ang kan'yang kinaroroonan.

"Fvck! May pagka salinpusa din ang taong iyon ah!" s'ya sa sarili ng mapagtanto ang lahat. Hinalikan lang s'ya ni Luke ay nawala na agad s'ya sa kan'yang sarili at hindi man lang naisip ang mga bagay-bagay.

Nagbalik lang s'ya sa kan'yang sarili ng marinig ang pagtunog ng elevator hudyat na nasa lobby na s'ya ng naturang building.

She owns the whole building at katulad ng kan'yang mga kapatid na lalaki ay nandito sa building na pag-aari n'ya ang kan'yang negosyo.

Hindi lamang s'ya isang mason at SIA operative kundi isa din s'yang CEO ng kan'yang sariling metal fabrication company.

S'ya ang may pinakamalaking metal fabrication sa bansa ay nangungunang supplier ng mga malalaking construction company at pati na ng mga shipping company na gumagawa ng mga barko at iba pang sasakyan pandagat.

Hindi biro ang laki ng kan'yang negosyo at halos isang libo ang kan'yang mga empleyado na umaasa sa kan'yang negosyo at pamamalakad.

At ayaw n'yang biguin ang mga ito dahil kung hindi dahil sa mga taohan n'ya ay hindi n'ya mararating ang kan'yang kinaroroonan ngayon.

Deritso s'yang naglakad patungo sa receptionist para magtanong sa mga ito.

"Good evening ma'am, Ace," magalang na bati ng dalawang babae na naka duty.

"Hi! Can I see the guests record for today?" s'ya sa mga ito na agad naman na kumilos. Kinuha ng isa ang kulay asuk na logbook ng mga bisita sa kan'yang building.

Agad n'yang sinilip ang mga nakasulat para hanapin ang pangalan ni Luke ngunit wala sa listahan ang lalaki na ipinagtaka n'ya.

"May nakita ba kayong lalaki na pumasok dito ngayon lang? Matangkad, well built ang katawan. Tan ang kulay ng balat at may biloy sa magkabilang pisngi," paglalarawan n'ya kay Luke na lihim n'yang ikinakagat ng labi lalo na ng makaramdam ng kilig sa loob-loob n'ya habang sinasabi ang pisikal na anyo ng lalaki.

"Yong gwapo na pizza delivery boy lang naman ang pumasok dito ma'am pero saglit lang naman iyon. Hinatid n'ya lang naman ang order na pizza ni Cathaleya at pagkatapos ay umalis na agad," kumikislap ang mga mata na sagot ng isa sa kan'yang mga receptionist na lihim n'yang ikinairap.

Ngunit ng maalala ang sinabi nito na pizza delivery boy ay bigla s'yang na curious kaya nanatili muna s'ya sa harapan ng reception at may sinilip sa kan'yang cellphone.

She is checking the CCTV of the building at tama nga ang mga babae sa reception. Nagpanggap si Luke na isang pizza delivery boy ngunit ang ipinagtataka n'ya ay kung paano ito nakapasok sa elevator ng walang special access card na hawak.

"Fvck! How did he do that?" lihim na tanong n'ya sa sarili ngunit agad ding natigil ng biglang tumunog ang kan'yang cellphone.

It was Pickles at sigurado s'ya na kukulitin na s'ya ng kaibigan na pumunta sa bar. At hindi nga s'ya nagkamali dahil hindi pa s'ya nakakapagsalita ay bumunganga na agad ang babae at inisa-isang alam ang detalye kung nasaan na s'ya.

Napailing na lamang s'ya at nagpasyang umalis na muna. Bukas n'ya na lang aalamin kung paano nakaakyat si Luke sa kan'yang penthouse ng walang susi.

Pagkalabas n'ya ng building ay agad s'yang sumampa ng sasakyan at nagmaneho patungo sa bar 21 kung saan sila magkikita ng kaibigan.

Hindi naman nagtagal at narating n'ya ang naturang bar. Agad s'yang bumaba ng sasakyan matapos itong maiparada at naglakad patungo sa entrance ng bar. Nang makilala s'ya ng mga bouncer ay agad s'yang binati ng mga ito at pinapasok.

Bar 21 is owned by Graciella. Isa sa mga kaibigan nila ni Pickles na isang psychologist at therapist ngunit ang negosyo ay isang bar na pinagtatawanan nilang magkakaibigan. Hindi kasi s'ya pinapapasok sa bar na pag-aari ng kapatid na si Tres dahil ito ang utos ng kan'yang mga damuhong kapatid.

Ngunit nagagawa n'ya pa rin ang mag bar dahil sa kaibigan na si Graciella. Malakas na musika at naghihiyawan na mga tao ang sumalubong sa kan'ya. Nasilaw s'ya ng mga nagkikislapang ilaw kaya wala sa sarili na ipinikit n'ya ang kan'yang mga mata saglit para masanay ito sa iba't-ibang kulay ng ilaw mula sa dancing light.

Nang masiguro na maayos na ang kan'yang pakiramdam ay dahan-dahan n'yang iminulat ang kan'yang mga mata para lang magulat ng tumambad sa kan'yang harapan ang gwapong mukha ni Luke. Sobrang lapit din ng mukha nito sa kan'yang mukha at amoy na amoy n'ya ang hininga nito na pinaghalong amoy ng alak at natural na amoy ng hininga nito.

Lihim s'yang napalunok ng laway at dala na rin ng pagkagulat ay hindi agad s'ya nakahuma at nakatulala lamang na nakatingin sa gwapong mukha ng lalaki na mataman ding nakatingin sa kan'ya.

"What are you doing here?" ang baritonong boses nito ang nagpabalik sa kan'yang diwa. Akmang ibubuka n'ya ang kan'yang labi para sagutin ang lalaki ngunit hindi n'ya naituloy ng biglang may humaklit sa kan'yang braso.

"There you are my gorgeous, Acey. Kanina ka pa namin hinihintay girl! Let's go!" si Pickles sa kan'ya ngunit agad ding natigilan at awang ang mga labi ng makita si Luke sa harapan nila.

"O-EM-GEE....Who is he, Acey?" madramang tanong ng kaibigan sa kan'ya ngunit ang mga mata ay hindi maalis sa mukha ni Luke. Ni hindi nga s'ya nito nilingon habang kinakausap s'ya nito. Napailing na lamang s'ya dahil umandar na naman ang pagiging manyak nitong kaibigan n'ya.

"No one! Let's go!" malamig ang boses na sagot n'ya kay Pickles sabay hatak sa kaibigan na nagpupumiglas pa habang lingon ng lingon kay Luke. S'ya naman ay nakaramdam ng kaunting inis sa loob-loob n'ya at hindi n'ya alam kung para saan iyon.

"Fvck! Bakit ako nakaramdam ng inis sa tinginan ni Pickles at Luke?" lihim na tanong n'ya sa sarili habang hila-hila ang kaibigan na panay ang blow ng kiss kay Luke.