CHAPTER 5

BLYTHE JULIANNA (ACE)...

"Aray ko naman, Acey! Bakit ka ba nananakit, huh?" Pa singhal na reklamo sa kan'ya ni Pickles ng makaupo silang dalawa sa mahabang sofa.

Paano hindi ito magrereklamo kung isinalya n'ya ito paupo sa sofa. Hindi n'ya alam kung bakit s'ya nakaramdam ng inis ng mga oras na iyon at hindi n'ya din alam kung para kanino ang inis na nararamdaman n'ya.

"What happened?" nagtatakang tanong ni Graciella sa kanilang dalawa ni Pickles habang nagpalipat-lipat ng tingin. At ngayon n'ya lang napansin na nandito din pala sa bar ang kaibigan. Ang pag-aakala n'ya na dalawa lang sila ni Pickles ang magkikita ngayong gabi. Wala s'ya sa sarili n'ya dahil ang kan'yang atensyon ay nasa inis n'ya ng mga oras na iyon na kahit s'ya ay hindi alam kung para saan at kung para kanino.

"Aba, malay ko d'yan kay Ace. Hinatak ba naman ako palayo kay pogi at isinalya pa paupo dito," busangot na reklamo ni Pickles kay Graciella.

"Shut up!" singhal n'ya sa babae ngunit imbes na tumahimik ito ay malakas pa itong tumawa na parang tuwang-tuwa sa nakikitang galit sa kan'ya.

"Wait! Wait.., kapeng mainit! Why are you so galit, mareng Ace? Teka nga lang! Sino ba ang gwapong iyon? Oh-Em-Geeee! Jowa mo ba yon? Kaya ka galit dahil nagpacute ako sa kan'ya? LQ ba kayo?"

"Do you want to die, Pickles? I can arrange your funeral, mare!" sabat naman ni Graciella na sinundan ng mahinang pagtawa. Agad namang sumeryoso si Pickles at nanahimik sa kinauupoan nito ngunit kita naman sa mukha ang pinipigilan na na ngiti.

"Damn you! Isang kantyaw na lang at talagang paglalamayan ka ng mga langaw , Pickles," inis na singhal n'ya rito at doon na bumunghalit ng tawa ang kaibigan. Sa kanilang magkakaibigan ay si Pickles ang pinaka-makulit sa lahat.

At kapag ikaw ang trip nito ay hindi ka talaga tatantanan ng babae hangga't hindi ka nagmamakaawa na tumigil na ito. Isang matalim at katakot-takot na tingin ang ipinukol n'ya sa dalaga sabay tungga ng baso na may laman na alak na binigay ni Graciella sa kan'ya.

"That's enough, Pickles! Napaka-balahura mo talagang babae ka!" saway ni Graciella dito.

"What? Wala naman akong ginagawa ah! Natutuwa lang ako sa nakikita ko ngayon kay mareng Ace. This is the first time na nakita kong nag-blush si Ace sa harapan ng isang lalaki. Kung sabagay kung ganon ba naman kagwapo at ka hot ang kaharap ko, kahit kepay ko siguro ay mamumula sa kilig," nakangising hirit pa ng kaibigan na ikinaubo n'ya dahil sa walang preno na bibig nito.

"Fvck! Sounds interesting! Sino bang adonis ang tinutukoy mo, Pickles?" pangmamarites na tanong ni Graciella sa kaibigan ng marinig nito ang sinabi ni Pickles tungkol kay Luke. Napabuga s'ya ng hangin dahil mukhang walang balak na tumigil si Pickles sa kakademonyo sa kan'ya at mukhang dadagdag pa si Graciella na kita ang curiousity sa mukha kung sino ang tinutukoy ni Pickles na lalaki.

"Wait.., mareng Gracie at hahanapin ko sa crowd! Siguro kilala mo na s'ya dahil pag-aari mo itong bar. Pero...,promise ngayon ko lang s'ya nakita dito."

"Ituro mo sa akin at baka kilala ko nga s'ya," sabat naman ni Graciella na na-activate na ang pagiging tsismosa ng mga oras na iyon dahil sa pangdedemonyo ni Pickles dito.

"Oh-Em-Geeee! There he is! Can you see that man at the bar counter. At nakatingin s'ya rito sa atin. Gosh! He is so hot kahit malamig at seryoso ang mukha!" kilig na kilig na sabi ni Pickles habang itinuturo si Luke sa kaibigan.

At ng sundan ng tingin ni Graciella ang sinasabing lalaki ni Pickles ay napatili din ito sa sobrang kilig katulad ng kaibigan nila. Dinaig pa ng mga kaibigan n'ya ang mga bulate na binudburan ng asin ng mga oras na iyon.

Panay ang tili ng dalawa na pati s'ya ay na curios na din kung anong mayroon sa kan'yang likuran. At parang may sariling isip ang kan'yang ulo na kusang lumingon sa likuran para lang matigilan ng maabutan ang mariin na titig ni Luke sa kan'ya.

Biglang kumalabog ng malakas ang kan'yang dibdib sa hindi malamang dahilan at agad na binawi ang tingin mula sa lalaki. Wala sa sarili na napahawak s'ya sa kan'yang dibdib dahil pakiramdam n'ya ay naninikip iyon at nahihirapan s'yang huminga.

Hindi s'ya napansin ng dalawang kaibigan dahil ang buong atensyon ng mga ito ay nasa kilig. Kahit pa ng tumayo s'ya at umalis sa kinauupoan para magtungo sa banyo ay hindi s'ya napansin ng dalawa.

Malalaki ang kan'yang mga hakbang na naglakad habang malakas naman na kumakalabog ang kan'yang dibdib na tinungo ang banyo ngunit hindi pa s'ya nakakarating sa pintoan ng banyo ay may malakas na kamay na ang humablot sa kan'ya at hinatak s'ya patungo sa pintoan ng emergency exit ng bar.

Hindi s'ya agad nakahuma lalo na ng maamoy ang pamilyar na amoy ng pabango na gamit nito. At kahit pa ng isandig s'ya nito sa pader ay hindi s'ya nakahuma at nataohan lamang ng tumambad sa kan'yang paningin ang gwapong mukha ni Luke na ngayon ay halos magdikit na sa kan'yang pisngi dahil sa sobrang lapit.

"Julianna," paos ang boses na sambit nito sa kan'yang ikalawang pangalan. Kung kanina ay malakas na kumalabog ang kan'yang dibdib sa pagsalubong lamang ng kanilang mga tingin, ngayon naman ay halos lumabas na ang kan'yang puso mula sa loob ng sambitin nito ang kan'yang ikalawang pangalan na tanging ang lalaki lamang ang tumatawag sa kan'ya.

Hindi n'ya alam kung ilang segundo s'yang hindi nakahinga at nataohan lamang ng magsalita ulit si Luke.

"Breath sweety! Ayokong mahimatay ka dahil sa pagpipigil mo ng hininga mo. It's just me, hmmmm!" dagdag pa nito sa paos na boses ngunit ang sexy ng dating nito sa kan'yang pandinig. Inipon n'ya ang lahat ng natitirang lakas at itinulak palayo ang lalaki.

Kung hindi n'ya gagawin iyon ay baka kung saan na mapunta ang paglapit ng mukha nilang dalawa. Hindi s'ya natatakot sa magagawa ni Luke sa kan'ya kundi natatakot s'ya sa kan'yang sarili na baka hindi s'ya makapagpigil at s'ya na mismo ang gumawa ng paraan para mahalikan ito.

"Stay away from me, Mr. Muller at huwag mong gamitin sa akin ang pa charm-charm mo. I'm still not gonna pay for your fvcking car service scam!" malamig at may diin na sabi n'ya rito.

Natahimik ang lalaki at nakatingin lamang sa kan'ya ngunit nakikita n'ya ang pagkaaliw sa mga mata nito na parang natutuwa sa kan'yang sinabi. Para makaiwas ay tinalikuran n'ya ito para sana iwan ngunit mabilis na nahablot ni Luke ang kan'yang braso at pinaharap s'ya rito.

"So..., do you find me charming, huh? hmmmmm!" seryoso na sabi nito ngunit mababanaag sa mga mata nito ang isang emosyon na hindi n'ya kayang pangalan. Hindi n'ya mabilang kung ilang beses s'yang napalunok ng laway at pilit na pinapakalma ang sarili habang magkasalubong ang kanilang mga mata na dalawa ng lalaki.

"Fvck! Get your senses back to your body, Ace!" lihim na kastigo n'ya sa sarili dahil pakiramdam n'ya ay namanhid ang kan'yang buong katawan ng mga oras na iyon lalo pa at magkadikit ang kanilang mga balat na dalawa ni Luke.