Chapter 24: Spectate

Napako siya sa kanyang kinatatayuan habang nakatitig sa lalaking kilala man niya ang mukha pero hindi ang katauhan nito. Malalaking hakbang ang ginawa nito palapit sa kinaroroonan nila saka marahas siyang hinablot palayo sa bodyguard na tumangay sa kanya. Akmang babarilin nito ang lalaki kaya't mabilis niyang hinarang ang kanyang sarili dito.

"T—teka! Sa—sandali!"

Natigil ito sa akmang pagkalabit ng baril at nginisihan siya. "Wow. Such a stupid heroic act," sarkastikong ani ni Rain.

"Sasama ako sayo, wag mo lang siyang babarilin," nilingon niya ang lalaki sa kanyang likuran bago muling tiningnan si Rain.

"And why would you negotiate with me? Who do you think you are? Huh?," mapang-uyam nitong wika saka hinigpitan ang pagkakasakal sa kanyang braso na hawak nito.

Napalunok siya. Mukhang mahirap pakiusapan ang lalaking ito. Masyadong mapanganib ang dating gaya noong una silang magkita. "A—alam kong wala akong karapatan pero… pero tauhan mo parin siya tsaka ako ang may gustong umalis—"

"