Chapter 44: Dreams

Nagising si Nahara dahil sa mainit na bagay na kanyang nararamdaman sa may bandang leeg niya. May mabigat ding nakapulupot sa kanyang tiyan. Dahan-dahan siyang nagmulat ng mata. Unang bumungad sa kanya ang mabining sikat ng araw na tumama sa kanyang mukha. Sinubukan niyang gumalaw subalit natigilan siya nang mapagtantong braso ni Rain ang mabigat na bagay sa kanyang tiyan habang ang mukha nito ay nakasubsob sa kanyang leeg.

Dahan-dahan niyang inalis ang braso nito sa maingat na paraan para hindi ito magising. Tahimik siyang bumangon sa kama at nag-unat bago dumungaw sa may bintana. Sariwang hangin kasabay ng mga mumunting huni ng ibon ang bumungad sa kanya. Hindi niya mapigilang mapangiti. Sobrang ganda ng nangyayari ngayon sa buhay niya na hindi rin niya maiwasang maisip ang magiging kapalit niyon.

Huminga siya ng malalim at muling ngumiti. Hindi siya dapat mag-isip ng masama. Minsan lang siyang maging masaya kaya dapat sulitin niya ang bagay na iyon. Isinara niya ang kurtina para h