Chapter 10

"As soon as possible," baliwalang sagot sa kaniya ni Mario.

Tumikhim naman siya at muling tumingin kay Avery na nananatiling tahimik sa tabi ng kaniyang ama.

"Gusto mo ba ng engrandeng kasalan?" tanong niya rito. Tumingin naman ito sa kaniya bago muling yumuko.

Hindi niya alam kung nahihiya ba ito o umaaktong parang natatakot sa kaniya? Hindi naman siguro siya mukhang nakakatakot? Kung tutuusin nga ay napakaguwapo n'ya para katakutan ni Avery.

"N-No, ayos na sa akin ang simple at tahimik na kasalan," sagot niya. Madali naman palang kausap ang babae dahil 'yon din ang gusto niyang mangyari, ang pribadong kasalan para sa kumplikadong kasunduan.

Matapos siyang sagutin ni Avery ay muling nanahimik ang dalaga sa tabi ng kaniyang. Hindi niya tuloy mapigilang mapaisip sa inaakto nito ngayon sa harap niya.

Hinamig niya ang kaniyang sarili bago hinawakan ang braso ni Avery. "Okay, lang ba sa'yo na sa Florida tayo ikasal? May business meeting din kasi ako roon. Isa pa..." Walang diborsyo sa Pil