CHAPTER 27

DINIG ni Charity ang paparating na chopper at umaasa siyang sana ay naroon si Cameron. May plano siyang kausapin ang lalaki ngayong araw at sana ay lumambot ang puso nito. Desidido siyang gawin iyon para sa kaniyang anak at sa kalayaan nila. Lumabas siya ng balkonahe at tinanaw kung nasa dumating ngang chopper ang lalaki at hindi siya nabigo. Bumaba ito at kasama si Servant Kim. Muli siyang pumasok sa loob at hinintay kung pupuntahan ba siya ni Cameron ngayon upang tignan.

After fifteen minutes ay may nagbukas ng pinto ngunit hindi iyon si Cameron, si Servant Kim ang pumasok. May dala-dala itong pagkain na alam niyang para sa kaniya.

"Ipinabibigay ni Sir Cameron, Miss Charity," anito at marahang inilapag ang pagkain sa may bedside table.

"Pakisabi sa kaniya salamat." Tsaka tumayo si Charity at naglakad ng pabalik-balik sa harapan ni Servant Kim.

"Kamusta ka na, hija? Wala naman bang sumasakit sa'yo?" Usisa ng matanda na sinusundan-sundan ang bawat lakad