Chapter 19

Raven's POV

PARANG gusto kong ibagsak pasara ang pinto ng makita ko siyang nakatayo sa bukana ng pintuan. Ang mga mata niyang malungkot na nakatingin sa akin ay parang patalim na sumasaksak sa akin.

Walang mga salitang lumabas sa aking bibig at tila naging bato na ako sa kinatatayuan ko. Nakita ko na humakbang siya papalapit sa akin at hindi ko man lang nagawang gumalaw.

Napasinghap na lamang ako ng hindi siya tumigil sa paglapit sa akin at bigla na lang niya akong niyakap ng mahigpit. Pakiramdam ko ay sasabog ang utak ko dahil sa mga nangyayari. Parang sasabog na ang dibdib ko sa sobrang lakas ng tibok nun. Nanlamig din ang mga kamay ko dahil sa kaba.

Pero sa kabila ng pakiramdam na iyon ay hindi ko maipagkakaila na gusto ko ang yakap niya. Ang mainit at matigas niyang katawan na bumabalot sa akin ay kaaya-aya sa pakiramdam. Gusto kong gantihan siya ng yakap pero pinipigilan ko lamang ang sarili ko.

"Baby..." halos paos na saad nito at naramdaman ko ang kanyang mainit na hininga sa l