Chapter 6

NANG MATAPOS ako maligo ay kumain na kami't nag-ayos ng aming mga sarili. Nagsuot ako ng red long sleeves at long, black coat para handa na ang aking ayos papunta sa preliminary hearing namin para kay Sandoval. I paired it with high, black stiletto, criss-cross stockings, and dark blue skirts, which have made me more formal than my other lawyer-attires. Si Jelsey naman ay ganon rin, magkaiba lang kami ng kulay na pinili sa mga damit namin.

"Tara na, Jelsey!" Lumabas na kami ng bahay at sumakay sa sari-sarili naming kotse. I hopped into my 2021 Acura ILX while Jelsey got her 2021 Porsche 911. Halata sa kotse niya pa lang na napakayaman niyan ni Jelsey. Hindi ko nga alam kung bakit hindi pa nag-aasawa.

Ilang minuto lang ang byahe namin dahil wala namang traffic masyado dito sa Pasig lalo na sa ganitong oras. Nang makapag-park na kami sa parking lot ng Pasig General Hospital ay pumasok na agad kami sa loob at dumeretso sa kwarto ni Jayron. We were wearing black caps to hide our face from everybody. Alam niyo na, baka kasi pagkaguluhan. Lalo na ngayo't kalat na kalat na sa media ang first appearance ni Sandoval sa Metropolitan Trial Court o MTC dito sa Pasig.

Pagbukas namin ng pinto ng kwarto ni Jayron ay may bumati agad sa'min. "Hay, salamat at nakadalaw ka rin, Ate Christine!" Nakangiting pagsalubong sa akin ng aking kapatid. "Oh, nand'yan din pala si Attorney Jelsey. Hi po!"

"Ate Jelsey na nga lang, Jayron." Nakangiting giit ng aking kaibigan. Umupo muna siya sa bench sa tabi ng pintuan samantalang ako'y tumabi muna kay Jayron at umupo.

"Nasanay lang po ako, Attorney-- este Ate Jelsey." saad ni Jayron. Nang dumako ang tingin nito sa aking bitbit na mga prutas at mga tsokolate ay mas lalong lumawak ang ngiti nito. "Wow, ang dami naman niyan, Ate Christine." Kumuha agad ito ng isang mansanas at kinain 'yon. "Salamat po!"

"Walang anuman, Jayron."

Sadyang napakabait na bata nitong ni Jayron kaya hindi ko alam kung bakit siya nabigyan ng ganitong napakalaking problema. Pero iniisip ko na lang, ang lahat ng nangyayari ay may dahilan. At may plano ang Diyos sa ating buhay. Sana nama'y makasama pa namin si Jayron ng mas mahabang panahon. Hindi 'yong ganitong may kahati pa siya sa oras namin ni Mama.

Sampung taong gulang pa lang si Jayron. Actually, he's good-looking, tall, and good. Kaso'y unti-unti itong namayat nang minsan ay hindi na siya kumakain dahil nawawalan na raw ng gana. Mabuti nga ngayo't kumakain-kain siya kahit mga prutas para naman lumakas ang pangangatawan niya. "Kamusta na ang pakiramdam mo, Jayron?"

Tumigil muna sa pagkagat ng mansanas si Jayron at ngumiti sa akin. "Maayos naman po, Ate. Palagi naman po akong naaalagaan dito."

Napangiti ako sa sinabi niya.

Nagtagal kami doon ng mga dalawang oras bago may tumawag sa telepono ni Jelsey. I knew it was an urgent call based on her reaction. Naramdaman ko ring may koneksyon 'yon kay Sandoval nang tumingin ito sa akin. Pagkatapos ng ilang minutong pag-uusap nila sa labas ng kwarto ni Jayron ay bumasok na ulit ito't tiningnan ako.

"You need to know something urgent about Sandoval's case."

Napataas ang aking kilay. "Spill the tea, Jelsey."

"Hindi na magistrate ang magfa-facilitate ng kaso ni Sandoval. Yung mismong assistant at yung judge na mismo ang haharap sa atin mamaya."

Napahinga ako nang malalim pagkatapos niya magsalita. "Akala ko naman kung ano na, Jelsey. It doesn't make any much of a difference. Naiba lang 'yong magsasalita."

She instinctively rolled her eyes and clicked her tongue. "One more thing, hindi na tayo pupunta sa Pasig MTC."

"Bakit? Mare-resched daw 'yong preliminary hearing mamaya?" I asked.

Mabilis na umiling si Jelsey. "No. Itataas na sa Manila Regional Trial Court ang kaso ni Sandoval."

"WHAT?!"

°°°

Sa totoo lang, nag-file ang assailant ni Sandoval ng kaso sa Pasig Metropolitan Trial Court dahil dito sa Pasig naganap ang akusang pagpatay ni Sandoval. So, Pasig MTC has the jurisdiction of this criminal case. Kaya gano'n na lang ang gulat ko nang itaas nila sa Regional Trial Court ang kaso. Hindi ako nagulat dahil natakot ako na baka hindi namin maipanalo ang kaso sa Manila RTC.

Nainis lang ako kasi alam kong may nagpagalaw na naman ng kaso. Itinaas nila sa RTC para mas maraming media ang makaalam at makasakop. Gano'n na lang ba sila kadesperado para ipahayag sa buong mundo ang kaso ni Sandoval? Mahirap talagang kalaban ang mga nagsampa ng kaso kay Sandoval dahil mayayaman din silang negosyante. Maging ang napatay "kuno" nitong kliyente namin ay isa rin sa pinakamayaman sa buong Asya.

Napaisip tuloy ako. Saan ba sila dadalhin ng mga pera nila? Sa hukay lang naman ang bagsak natin pare-pareho. Hindi ba't mas maganda na gumawa na lang sila ng ikabubuti ng lahat? Nandamay pa sila ng tao para lang may magtakip ng mga kasalanang ginawa siguro nila.

Natigil ako sa pag-iisip nang tumawag sa akin si Jelsey sa telepono. Glad that my phone is connected to my car bluetooth so I immediately answered it. "What, Jelsey?"

"Don't get Sandoval from the police custody. Nasa Manila RTC na siya dineretso kaya doon na rin tayo pumunta."

"Got it. Thanks." Pinatay ko agad ang tawag at nag-pokus sa pagmamaneho. Kailangan naming bilisan na makarating agad kay Sandoval dahil baka pinagpi-pyestahan na 'yon ng press at baka kung ano-ano pang sabihin niya. We need to get this in control. Besides, I and Jelsey are his lawyers.

Nang makarating ako sa Manila City ay mabilis akong nagmaneho hanggang sa makarating sa Regional Trial Court. As expected, several press attendees and media are here to bombard me questions regarding Sandoval's case. Napansin ko rin ang kotse ni Jelsey na nakapark na. Malamang ay nauna na siya rito.

Bago ako lumabas ay may nakaabang na agad na mga body guards sa pinto ng kotse ko. Mukhang mga tauhan ni Sandoval dahil pamilyar ang mga mukha nito. Sila rin ata 'yong nagdala ng mga pagkain kahapon, pero hindi na sila ang nagdala ng mga pagkain kaninang umaga. Alas-onse na rin nang nandito kami pero mabuti na lang ay alas-dose pa ang dating ng judge sa Manila RTC.

Pagkalabas ko'y inalalayan agad nila ako habang naglalakad patungo sa mismong pinto ng RTC.