CHAPTER 62

Zoe Colette's POV

Hindi ko alam kung anong pumasok sa aking isipan kanina, imbis kasi papasok ako sa loob ng coffee shop, humakbang ang mga paa ko papunta doon sa iskinita at ganun na lang ang gulat ko ng makita doon si Mia na binubugbog ng isang babae. May sinasabi din itong masasakit na salita na parang alam na alam niya talaga ang nangyayari sa buhay ni Mia.

Sa sobrang galit ko nasaktan ko ito, ang galing kasing magsabi nang masasakit na salita kay Mia hindi niya naman alam ang buong kwento ng buhay nito. Nang sabihin ko kung sino ako ganun na lang ang gulat ng batang babaeng iyon at dali-daling umalis sa iskinitang iyon at nawala din ang mga kasama nitong tukmol. Naiwan kaming dalawa ni Mia, gulat na gulat pa din ang ekspresyon ng mukha nito.

Napabuntong hininga ako ng tuluyan itong yumakap sa akin at tuluyan na nga siyang humagulgol sa pagiyak. Tanging pagyakap lang ang aking nagawa dahil kahit ako nagulat nang makita siya dito at hindi ko