Kabanata 24

AIRISH

NAGLAKAD kami pabalik sa puwesto ilang sandali matapos ang nangyari. Napatingin sa 'min ang mga kasamahan ni Dean na tila may halong pagtatakha nang makitang pareho kaming basa.

"Anong tinitingnan-tingnan niyo d'yan? Kilos!" sigaw ni Dean kaya kaagad nila 'yong ginawa. "Mas mabuti pa kung pumasok ka muna sa tent. Baka lamigin ka rito," sabi naman niya sa 'kin. 'Di ako sumagot at ginawa nalang ang sinabi niya.

Pinunasan ko ang sarili ko ng telang binigay ni Dean sa 'kin. Wala naman akong pampalit dahil nasa gitna kami ng gubat.

Hindi naman ako nakaposas at nananatili parin sa loob ng tent. Nakaupo ako habang yakap-yakap ko ang mga hita ko. Nilalamig parin ako kahit na may nakapatong na tela sa 'kin.

Hinihingahan ko ang mga palad ko at idadampi sa balat ko para uminit dahil sa lamig.

SUMAPIT muli ang tanghali ngunit naririto pa rin ako sa loob ng tent.

"Kumain ka," Napatingin naman ako sa nagsalita. Umiling lang ako bilang tugon. Pumasok naman ito at naupo sa tabi ko.

"Kumain ka