Chapter 22

Nakahinga ako ng maluwag nang buong araw na hindi ko nakita si Delgado kinabukasan. Hindi ito nagparamdam sa akin kaya buong araw na hindi uminit ang ulo ko. Sana lang talaga magtuloy-tuloy na ito. Baka bumalik na siya sa syudad, sana lang huwag na siyang bumalik.

Naging maayos ang takbo ng araw ko. Naunang umuwi si Rebecca kinahapunan gaya ng palagi niyang ginagawa dahil susunduin pa niya ang kambal. Mahirap talaga maging single mother kaya saludo ako sa kanya na nagagawa pa niyang balansehin ang trabaho at pagiging ina niya sa kambal.

Nagreready na kami ni Anji para sa closing nang biglang dumating si Mr. Ramirez. His girlfriend is one of our clients.

"Hi, Marg!" nakangiting bati nito sa akin.

"Hi, Sir. Hindi n'yo po kasama si Ma'am?" tanong ko sa kanya ng hindi ko makita ang girlfriend nito.

Ngumiti ito. "Nope, she is busy but we need to attend a party next week, and I want to find something she can wear."

"A surprise?"

Nahihinyang napakamot ito sa ulo bago tumango. Napangiti ako