Kabanata 6

"Anak, sigurado ka bang hindi ka nangutang sa loan shark?”

Hindi mapakali si Layla habang pinagmamasdan si Lyra na abalang inaayos ang mga damit sa bagong bahay nila. Maliit lang ito. May isang kwarto, maliit na sala, kusina, at isang banyo. Pero malinis, maaliwalas, at higit sa lahat, kanila na.

“No, Ma. Huwag mo nang alalahanin 'yan. Bayad na 'tong bahay. Sa atin na 'to,” mahinahong sagot ni Lyra habang inaayos ang kumot ni Lianne na nakaupo sa sahig at pinaglalaruan ang lumang manika nito.

“Pero saan mo kinuha 'yong pambayad? Wala ka pa ngang isang buwan sa bagong trabaho mo. Tapos halos wala kang ipon ‘di ba?”

Huminto si Lyra sa ginagawa at huminga nang malalim. "Ma, may nagbigay ng tulong. Ayoko na lang munang ikuwento ngayon kung sino. Basta legal ‘yong pera. Walang problema.”

“Lyra, anak, hindi ako kalmado sa mga ganitong bagay. Baka kung sino na naman ‘yang nilapitan mo. Ayokong masangkot ka sa gulo,” mahinahong sabi ni Layla, pero ramdam ang kaba sa tono niya.

“Ma, wala akong ginagawang masama. Trust me, okay? Gusto ko lang kayong mailipat agad sa maayos na lugar,” matatag na sagot ni Lyra. “Ayoko nang maulit ‘yong nangyari kanina. Hindi ko kakayanin na makita kayong ginagano'n uli.”

Tahimik na naupo si Layla sa gilid ng papag. "Pasensya ka na, anak. Hindi ko ginusto na umabot tayo sa ganito.”

“Ma, wala kang kasalanan. Si Tristan ang may kasalanan. At ang pamilya niya. Hindi mo kasalanan na umasa tayong may magandang bukas para sa akin.”

Lumapit si Lianne sa ina niya, hawak-hawak ang manika. "Ma, dito na ba tayo titira?”

Ngumiti si Lyra at tinapik ang ulo ng kapatid. "Oo, baby. Dito na tayo. May sarili ka nang kwarto, ha?”

“Yehey!” sigaw ng bata sabay yakap kay Lyra.

Ngumiti si Layla pero kita sa mga mata ang pag-aalala pa rin. “Anak, kung may kailangan ka, sabihan mo lang ako. Huwag mo nang sarilinin.”

“Hindi mo na kailangang magtrabaho, Ma. Ako na ang bahala sa lahat ng gastusin. Ikaw na muna ang mag-alaga kay Lianne. Kailangan niya ng may kasama palagi.”

“Hindi ako sanay na wala akong ginagawa. Nakakahiya naman na ikaw lang ang kikilos.”

“Ma, hindi nakakahiya ang magpahinga lalo na kung buong buhay mo na kaming inalagaan.”

Katahimikan ang naging sagot ni Layla. Sa kauna-unahang pagkakataon, naramdaman niyang lumaki na ang anak niya. Hindi na si Lyra na palaging sumusunod, ngayon ay siya na ang gumagawa ng desisyon para sa kanilang pamilya.

Kinagabihan, matapos makakain, nag-ayos si Lyra ng mga papeles sa isang sulok habang pinapatulog ni Layla si Lianne. Tahimik ang paligid pero ang isip ni Lyra ay hindi mapakali. Hawak-hawak niya ang cellphone at binasa muli ang text message galing kay Elias.

Elias: “You didn’t show up at work. Don’t do that again without telling me. Are you okay?”

Napabuntong-hininga siya. Hindi pa rin siya sanay sa tono ng lalaki. Pero naramdaman niyang totoo itong concern. At alam niyang may karapatan din itong magtanong. Dahil totoo ngang tinulungan siya nito kahit hindi pa niya lubos maintindihan kung bakit.

Tinype niya ang reply.

Lyra: “I’m okay now. Sorry for not showing up. May emergency lang.”

Agad itong nag-reply.

Elias: “Did you receive the money?”

Lyra: “Yes. But it’s too much. I only needed a little. I’ll pay you back, promise.”

Elias: “Don’t bother. Consider it my investment in you as my wife.”

Napapikit si Lyra. Hindi pa rin siya sanay sa ganitong mga exchange. Lalo na’t alam niyang peke ang kasal nila. Pero mukhang seryoso si Elias sa bawat salitang binibitawan nito.

Tumunog ulit ang phone.

Elias: “Be ready tomorrow. I’m introducing you to my grandfather. Don’t be late.”

Halos malaglag ang cellphone ni Lyra.

“Anak, okay ka lang?” tanong ni Layla na kararating lang sa sala.

Napakagat-labi si Lyra at tumango.

“O-Okay lang, Ma.”

Pero sa loob-loob niya, hindi siya okay. Ipapakilala siya kay Don Sebastian Montero—ang kilalang matandang tycoon na pinakamayaman sa bansa. Paano siya haharap? Paano niya ipapaliwanag kung paano sila naging mag-asawa ni Elias?

***

Pagpasok ni Lyra sa Revive Media Corp., halos hindi pa siya nakaka-upo sa desk niya nang lumapit ang isa sa mga assistant ni Elias.

“Miss Santiago, pinapatawag ka raw po ni Sir Elias sa office niya. Now.”

Napalunok si Lyra at tumango lang. Sa dami ng nangyayari sa buhay niya, hindi na niya alam kung alin ang uunahin—ang inis niya kay Elias, ang pagod ng buong araw, o ang kaba sa mga susunod pang mangyayari.

Pagpasok niya sa opisina ng binata, agad siyang sinalubong ng malamig nitong titig.

“Nandiyan na 'yung dress mo. I suggest you wear it before 5PM,” seryoso nitong sabi, sabay turo sa isang puting garment bag na nakasabit malapit sa sofa.

Napatingin si Lyra sa bag, at halos lumuwa ang mata niya sa nakita nang buksan ito.

“Ha?! Anong klaseng damit ’to? Pang—pang formal event?” gulat niyang tanong.

“Exactly. You’ll be wearing that tonight. I’m officially introducing you as my wife in front of the board and some family members,” kalmadong sagot ni Elias.

Hindi agad nakapagsalita si Lyra. Parang hindi tumagos sa isip niya ang narinig. Tila may lumunok ng buo sa puso niya.

“Wait lang... what?”

Tumango lang si Elias habang nagbubukas ng tablet. “My grandfather will be in town tomorrow. I need you to stay with me until he flies back to Cebu. He wants to meet you. Personally.”

“Elias…” Napaatras siya ng bahagya. “Hindi pa alam ng pamilya ko. Hindi ko pa nga alam kung paano ko ipapaliwanag sa kanila na kasal na ako, tapos ngayon, gusto mong doon ako tumira sa 'yo?”

Pinatong ni Elias ang tablet sa lamesa at tumayo. Naglakad siya papalapit kay Lyra, saka tumigil sa harapan niya.

“Lyra, hindi ito simpleng laro. Napasok mo na ang buhay ko, ayokong magkamali sa mga galaw natin. Either we act like a real married couple, or this deal ends here.”

Napatingala si Lyra, at sa unang pagkakataon ay nakita niya ang seryosong anyo ni Elias na tila ba hindi marunong makiusap—lagi na lang may kasamang kondisyon.

“Look, I’ll take care of your family if that’s what you’re worried about,” dagdag pa ng binata.

Napailing si Lyra. “Hindi ‘yon ang issue. Hindi naman ako takot sabihin sa kanila ang totoo. Ang akin lang… baka magulat sila. Baka isipin nila nagpakasal ako dahil sa pera—”

“Did you?” putol ni Elias.

“Hindi!” mabilis niyang tanggi. “Ginawa ko ‘to kasi… wala na akong ibang option noon. Kung hindi lang ako pinagpalit ni Tristan, edi sana masaya kami ngayon!”

Tumango si Elias at bumalik sa desk niya. “Then trust me. I’ll handle the rest. Isusuot mo ang damit, sasama ka sa dinner, at uuwi tayo sa bahay ko pagkatapos.”

“Hindi ba pwedeng sa ibang araw na lang?” mahinang tanong niya.

“No.”

Napabuntong-hininga si Lyra. Parang wala na siyang laban sa binatang ‘to. Lahat ng desisyon, siya ang may hawak. Pero sa isang banda, alam niyang kailangan niyang harapin ito.

“Tatawag lang ako sa bahay. Kakausapin ko si Mama.”

“Good. Use the private lounge. I’ll have someone escort you.”

Paglabas ni Lyra sa opisina, parang wala siyang naririnig. Gulong-gulo ang isip niya.

***

Sa loob ng private lounge ng kompanya, hawak niya ang cellphone at ilang segundo pa bago niya pinindot ang call button.

“Hello, Ma?” mahinang bati niya nang sumagot ang ina.

“Anak, kamusta ka na? Pauwi ka na ba?”

Napakagat-labi si Lyra. “Ma... may sasabihin ako.”

“Bakit parang ang seryoso mo?”

“Ma... hindi muna ako makakauwi ngayong gabi. May... company event. Kailangan kong dumalo.”

“Ah gano’n ba? Akala ko kung ano na,” sagot ng ina na may halong pag-aalala. “Pero anak, okay ka lang ba talaga? Hindi ka mapakali simula nang lumipat tayo sa bagong bahay.”

Napapikit si Lyra. “Okay lang po ako, Ma. Basta alagaan mo muna si Lianne ha? Tapos... ‘pag may time ako, sasabihin ko sa inyo ang lahat. Promise.”

Narinig niya ang buntong-hininga ng ina. “Sige. Ingat ka riyan.”

Matapos ang tawag, napaupo si Lyra at hinilot ang sentido. Parang ang dami niyang kailangang unahing intindihin, pero wala siyang choice kundi sumabay sa agos ng mga plano ni Elias.

Bago pa siya makapagpahinga, pumasok ang isang staff dala ang makeup kit at sapatos.

“Ma’am, magpapaganda na po kayo. Fifteen minutes na lang.”

Hindi na siya nakapalag. Tumayo siya at pilit ngumiti. “Okay. Let’s get this over with.”

***

Author's Note:

July 17, 2025

Welcome to GoodNovel my new babies, Lyra and Elias!

Sana ay magustohan po ninyo. Romcom.

May mga libro po akong ongoing at kumpleto. Baka magustohan ninyo. May heavy drama, dark romance, slow-burn, and action.

Pa-like, comment, gem vote and rate po ng book.

Maraming salamat!