CHAPTER 41 “STARTED WITH THE KISS 2”

ANG maalab na damdamin at simbuyo ng paghahangad ang tuluyang tumupok at lumamon sa lahat ng hindi magandang emosyon at damdamin na inihatid sa kanya ng ama ni Joaquin.

Kahit hindi niya gustong aminin iyon alang-alang sa kanyang nobyo. Pero nakakalungkot isipin na iyon ang talagang totoo.

Nasaktan siya sa nakita niyang pakikitungo sa kanya ni Joaquin Sr. At ang nangyaring iyon kanina ang nagbigay ng sapat na justification sa lahat ng takot at kaba na nararamdaman niya nitong nakalipas na mga araw.

Pero sa klase ng pagpapaligayang ginagawa ng kanyang nobyo sa kaniya ngayon, masasabi niyang hindi mananalo ang talas ng mga salitang natanggap niya kanina mula sa ama nito.

Marahil nasaktan siya pero ngayon, ang mainit na pamamaraan ng pagdama ni Joaquin sa kanya partikular na ng eksperto nitong bibig, kamay at dila na sinaman at sinuportahan pa ng mapanganib subalit banayad na pagkagat sa kanya ng mga ngipin nito. Masasabi ni Lara na mababaliw siya sa ligaya.

At ang kabaliwang iyon ang mag