Chapter 62

Ilang araw pagkatapos ng insidenteng isinawalat ni Cory ay naging tahimik ang buhay nilang mag asawa. Umuwi na sila sa bahay nila. At dumadalaw na lamang si George sa mag anak. Kasama na din na naninirahan sa bahay ni George si Carvie.

Hindi pa tapos ang laban nila para tugusin ang gumawa niyon sa kanya. Tahimik na kumakalap ng impormasyon ang mga kapulisan. Ngayon ay naghihintay at nag iingat sila sa mga puwedeng mangyari. Para sa kaligtasan, hindi lang nang buhay ni Cory kundi ang lahat ng mga taong malapit sa kanya. Lalo na ang tatlo nilang anak. Ayaw din nilang madamay ang mga ito ag pagbuntungan ng galit. Ang walang muwang nilang mga anak.

"Nanay, puwede po ba kaming maglaro ni Elias sa labas?" pagpapaalam na sabi ni Calli sa ina. Yumuko si Cory at pinisil ang ilong ng panganay na anak.

"Oo naman. Pero hindi puwedeng lumabas sa may gate. Doon lang kayo sa hardin. Dadalhan ko kayo ng meryenda doon ni Elias" magiliw na sagot ni Cory. Nangislap ang mga mata nang dalawang bata.

"Sal